Consulado di Venezuela na Aruba awor lo atende afspraaknan di apostille

ORANJESTAD - Cu e intencion di brinda un servicio directo, expeditivo y evitando maneho di papeleo, dialuna proximo, dia 7 di october, nan lo inaugura e oficina di nombramento di apostille na Consulado Venezolano na Aruba.

E inauguracion lo wordo dirigi pa e consul Venezolano, Amabel Lugo, kende a destaca cu e prestacion di e servicio aki ta busca pa brinda atencion directo na e compatriotanan pa nan evita loke ta e administracion, ademas di mehora e temponan di reaccion den e proceduranan.

Den e sentido ey, el a splica cu for di e oficina aki e nombramentonan lo ta “mas expeditivo”, mientras cu e ta destaca cu un otro bentaha ta pa evita “e emision di cualkier poder hudicial pa un tercer persona apostille na Venezuela.”

El a destaca cu e apertura di e oficina aki ta danki na e esfuersonan di Gobierno di Presidente Nicolás Maduro Moros, cu ta sigui promove Diplomacia di Paz Bolivariano y brinda servicionan di calidad na compatriotanan den exterior, apesar di e medidanan coercitivo unilateral criminal impone pa e imperialismo occidental.

E Consul a agrega cu e usuarionan mester pidi nan cita anteriormente pa medio di e website di e Ministerio di Poder Popular pa Relacionnan Exterior.

Pa loke ta e exigencianan pa apostilles, Lugo a señala cu mester presenta e cedula of paspoort, hasta si esaki a caduca. Sinembargo, el a urgi e compatriotanan pa mantene nan documentonan di identidad actual.

E diplomatico a bisa cu apostilnan pa documentonan di mucha y adolescente ta exonera di pago.

E oficina di servicio di cita di apostille lo opera na Consulado Venezolano riba e isla aki na Hulanda, situa na Tanki Flip #6 Oranjestad, for di 8’or di mainta pa 12’or di merdia.