Amnesty International: Por lo menos 1.340 Venezolano a keda deteni na Aruba desde 2021

ORANJESTAD - Un informe di Amnestia Internacional (AI) ta revela cu por lo menos 1.340 Venezolano a keda deteni na Aruba pa motibo di a drenta e teritorio ey iregularmente, tratando di huy di e emergencia humanitario cu Venezuela ta sufriendo.

E informe di 73 página ta indica cu e cifra aki a wòrdo obtene como kontesta riba un petishon pa informashon haci durante e investigashon di e NGO riba e trato duna na e venezolanonan cu ta busca asilo riba e isla.

Gobierno di Aruba a bisa AI cu na 2021 526 persona a wordo deteni; otro 450 na 2022; 311 e siguiente aña, y den e prome cuater lunanan di e aña aki 53 persona tabata den detencion.

E organisacion por a comproba cu entre esnan priva di libertad pa motibo di proceduranan di inmigracion tin menor di edad.

Detenidonan ta wordo someti na proceduranan sumario, cu mayoria biaha ta wordo ehecuta na idioma Hulandes, loke ta lanta pregunta riba e garantianan di debido proceso.