- KPA: Persona deteni cu pistool y sentencia hopi lihe
- KLM tin e tripulacion di vuelo mas caro na mundo
- Gobierno di Hulanda ta bai apela contra desicion di clima pa Bonaire
- Foro Siguridad sin frontera: Colaboracion ta decisivo contra menasa moderno
- Grand slam historico di Xander Bogaerts di Aruba ta duna Padres victoria
Fundacion Movemiento ta Bida a gana un ‘Appeltje van Oranje’
DEN HAAG - E iniciativa Arubano Fundacion Movemiento ta Bida ta un di e tres ganadonan di e Appeltjes van Oranje 2024. Esaki a anuncia durante entrega di e premionan Oranje Fonds na Paleis Noordeinde. Diahuebs atardi, 3 di october Reina Máxima, den presencia di Rey Willem-Alexander y Prinses Beatrix, a presenta e Appeltjes na organisacionnan cu ta comprometi pa reduci soledad. Tur aña, Oranje Fonds ta otorga tres iniciativa social cu ta aporta na personanan den nos sociedad. E ta e di 22 edicion di e Appeltjes.
E tema di e Appeltjes van Oranje ta cambia tur aña. E aña aki e tema scogi ta: Reduci soledad hunto. E iniciadonan ta yuda otronan move y recobra control di nan bida. E iniciativanan ganado ta ricibi un Appeltje di brons, traha pa Prinses Beatrix, y cada un ta ricibi un premio cash di 25.000 euro. E tres iniciativanan ta haci hende socialmente mas fuerte y ta kita nan for di isolacion social. Nan ta haci esaki den maneranan sorprendente y inspirativo, causando cu e barera, entre e dunado y esun cu ta ricibi, ta disparce. Hende t’ey pa otro.
FUNDACION MOVEMIENTO TA BIDA
E Fundacion Caribense Fundacion Movemiento ta Bida di Aruba ta gana un Appeltje pasobra nan ta yuda e grandinan pa participa plenamente den bida diario. Door di organisa reunion, tayer y bishita na cas, e confiansa propio y habilidadnan di e grandinan ta crece. Hende grandi tambe ta envolvi activamente den duna forma na e actividadnan y ta boluntario pa otro hende grandi.
FUNDACION JOIN NOS
Fundacion Join Us di Den Bosch, Hulanda, ta gana e premio pasobra nan t’ey pa hobennan cu ta solitario y kier cambia esaki. Join Us ta trece hobennan hunto y yuda nan bira socialmente mas fuerte. Hobennan entre 12 pa 30 aña ta topa cada dos siman y ta ricibi guia di un profesional hubenil. Nan ta siña organisa actividadnan y tambe pa enfrenta nan retonan personal. Ta uza e acercamento aki awor den 80 municipio. Banda di esaki, Join Us tin un programa online pa hobennan cu no por bay riba localidad.
FUNDACION AL AMAL
E Fundashon Al Amal ta gana un premio pasobra e ta yuda hende muhe ku un antecedente migrante scapa di nan isolacion. Migrantenan di mas edad ta sinti nan mes cu mas frequencia solitario y ta experiencia un soledad mas profundo cu ta haci’e mas dificil pa haya nan caminda den sociedad. Pa medio di actividad y educacion e hende muhe ta conecta cu otro y nan ambiente. Cu e programa Domino Effect, e hende muhenan cu a sali for di soledad pa medio di e acercamento (forma) aki, ta haya entrenamento pa lanta gruponan nobo. Di e manera aki, Al Amal ta traha pa un bida menos solitario riba termino largo pa tanto e boluntarionan, como e participantenan den nan actividadnan.
KLM tin e tripulacion di vuelo mas caro na mundo
SCHIPHOL - KLM Royal Dutch Airlines, cu su base na Amsterdam Schiphol Airport, ta paga e costo mas halto pa su tripulacion di buelo compara cu otro aerolineanan similar, segun un estudio basa riba dato di 2023. Investigacion ta mustra cu costo di personal riba buelonan largo di KLM ta te 38% mas halto cu otro aerolinea. Riba ruta manera John F. Kennedy International Airport, e diferencia ta rond 25%, mientras riba buelonan europeo manera Atenas, e ta alrededor di 14%.
Gobierno di Hulanda ta bai apela contra desicion di clima pa Bonaire
DEN HAAG - Gobierno di Hulanda a dicidi pa apela e sentencia den e caso di Greenpeace tocante e impacto di cambio di clima riba Bonaire. Den un carta manda na Tweede Kamer, e gabinete ta bisa cu despues di un evaluacion “hopi cuidadoso”, tin motibonan (huridico) fuerte pa presenta e caso na corte di apelacion.
Na Hulanda prijs di gasolin y diesel a baha, pero no mescos cu prijs di petroleo
AMSTERDAM - E prijs na pomp di gasoline na Hulanda a baha atrobe. Diesel lo baha cu casi 7 cent y gasolin cu mas o menos 3 cent, segun United Consumers. Esaki ta relaciona cu e caida di prijs di petroleo despues di un paro di fuego entre Merca y Iran.
Economista aleman ta pronostica: Hulanda lo bira campeon mundial
BERLIN - Un economista aleman cu a predici correctamente e ultimo tres campeonnan mundial di futbol, a trece bon noticia pa fanaticonan di futbol Hulandes: e verano benidero finalmente por ta e momento pa e prome titulo mundial di seleccion nacional di Hulanda.
Gobierno hulandes a fada: Bosal obligatorio y curso pa cacho
VEENENDAAL – E cacho Bente no a haya ningun salbacion. E cacho di Veenendaal a bira victima siman pasa di un pitbull y no a sobrevivi e atake. Gobierno a cansa cu cacho ta causa daño na hende y otro animalnan, y awor ta bin cu un serie di medida fuerte. Asina, tur dueño di cacho lo mester sigui un curso. Recientemente a habri un punto di reporta nacional pa mordi di cacho, unda comportamiento peligroso y incidente di mordi por wordo reporta. Pero tin mas medida na caminda, manera un curso obligatorio pa tur hende cu kier tuma un cacho.
Bufete renombra hulandes Knoops mester paga mas cu un ton bek na ex-cliente
AMSTERDAM - E bufete di abogadonan renombra di Carry y Geert-Jan Knoops mester paga bolbe mas cu un ton (100.000 euro) na un ex-cliente insatisfecho. Esaki ta segun decision di tribunal na Amsterdam. E bufete den pasado a trata casonan aki na Aruba y Corsou tambe pa varios cliente.
Follow NoticiaCla
