Na Corsou, a duna oido na campaña pa sterilisa cacho den capital

WILLEMSTAD - Fundashon Ser’i Otrobanda ta un dje promé organisashonnan ku a duna oido kaba na e yamada di gobièrnu pa hasi nan esfuerso pa por sterelisá kachónan den e bario, tantu kachónan ku doño komo esnan kayehero. T’asina ku resientemente e organisashon a tene un enkuentro spesial ku habitantenan di e bario pa tende si tin idea òf inisiativanan pa hasi ku e proyekto ta eksitoso. Durante e enkuentro ei a papia di e posibilidat di sterelisá i kastra kachó, pero tambe pa adoptá un dje animalnan aki. Tin hopi dje kachónan aki ku ta ser bandoná den bario, ku tur e konsekuensianan dje molèster ku nan ta kousa.

Despues di e reunion ei dirigentenan di e fundashon/bario ku ta afiliá na “Dogs of Curaçao” a duna kontinuashon na e proyekto i a ofresé  habitantenan un ke otro formulario pa yena den kaso ku tin hende ku ke hasi uso dje oportunidat aki pa nan kachó. Tambe tin plania pa fangu i laga sterelisá kachónan di kaya, i den kuadro di esei a pidi habitantenan pa monitor i informá e fundashon na unda por tin ku por ser sterelisá òf kastrá. NOTA: Texto ta scirbi den Papiamento fonetico di Corsou.