A crea un portal special pa por localisa talento musical local necesario
ORANJESTAD – Den fin di siman tabatin e lansamento oficial di e website www.arubamusician.com. E plataforma digital tin como obhetivo pa bira un herment cu cual facilmente bo por haya e talento musical cu bo ta buscando.
E idea tras di esaki ta bin for di e conocido compositor Ivan Quandus. Como parti di e mundo aki, Quandus conoce bon tur e retonan cu un musica local ta afronta; entre otro, e parti di promociona y mercadea su mes. Como musico y propietario di un estudio di grabacion, hopi persona tabata acerc’e pa haya number di contacto di un ke otro artista Arubiano.
Despues di ta cana pa varios aña cu e idea aki den su cabes, el a uni forsa cu Gilner Dirksen, un creador local pagina web y hunto a cuminsa duna forma na e proyecto. Na prome luga a purba di haci e inventario mas completo di musico riba e isla.
Un bes cu tabatin esey, a categorisa nan segun genero y asina a cuminsa hinca e www.arubamusician.com den otro. E meta tabata pa hacie hopi facil pa cualkier persona haya exactamente e tipo di artista cu e ta busca. E lista di genero ta bay for di koor di misa te na solista y tipico.
Durante desaroyo di e website, a yega nan otro seccionnan util manera noticia, profiel, kalender di evento y mas. Tin masha hopi di nos talento cu ya caba ta den e registro aki. Sinembargo, e invitacion ta keda habri cualkier cu no a contact ainda, pero registra libremente.
Quandus ta sumamente contento di finalmente a concreta su vision y di por ta di ayudo pa su coleganan musica.
DVG: ‘Bedlegerig’ patient na cas tambe por ricibi vacuna di Influenza y/of COVID-19
ORANJESTAD - Pa proteha e grupo di ciudadanonan ‘bedlegerig’ na cas di desaroya complicacion of asta fayece debi na infeccion cu e virus di Influenza of COVID-19, DVG ta bay cuminsa ofrece e vacuna anual di Influenza y/of e vacuna di COVID-19 cu ta contene e variante mas actual na ‘bedlegerig’ patient (esnan na cama/inmobil) na cas.
Conocido mecanico Wilfred ‘Freddy’ Ras ta fayece a consecuencia di accidente riba Palo Marga
ORANJESTAD – E conocido mecanico di auto Wilfred “Freddy” Ras (65) a fayece tragicamente diaranson despues di un accidente cu un di e autonan. E accidente mes a pasa den e "pit" area ora nan tabata ahusta un dje autonan di Brazilian Flash su motor, ora cu esaki a bai den "drive" accidentalmente pasando riba sr Ras. Diahuebs merdia e ekipo Brazilian Flash a tene un conferencia di prensa pa duna mas informacion riba e suseso tragico aki. Noticiacla ta manda palabra di forza pa e famia completo.
Bira Miembro di Botica di Servicio y Participa pa Gana!
Plan di Mayor Aruba: E demanda pa mediacion ta creciente!
ORANJESTAD - Manera ta conoci Ley di Plan di Mayor: (LV Voortgezet Ouderschap en Zorgvuldige Scheidingen) a bay na vigor dia 1 di maart 2024. E Ley aki ta basa riba e derecho cu un mucha tin pa wordo cria door di ambos di su mayornan apesar di un separacion. Mayornan cu divorcia/separa tin e obligacion di traha un Plan di Mayor caminda nan mester stipula con nan ta bay comparti e responsabilidadnan pa cu nan yiunan. Tambe e ley ta pone enfasis riba articulo 12 di tratado internacional di derechonan di mucha, cual ta cu e mucha mester tin un bos den asuntonan cu ta regard’e.
Amnesty: Aruba mester proteha Venezolanonan cu ta busca asilo, miho
MIAMI - Venezolanonan cu ta pidi asilo ta victima di e falta di legislacion di asilo na Aruba. Aruba ta solamente 24 km di Venezuela y hopi Venezolano ta drenta Aruba iregularmente via viahenan peligroso riba lama y despues automaticamente ta wordo poni den detencion y deporta. Esaki ta loke Amnesty International ta declara den e estudio di awe ‘Regla pero No Proteccion’ – develando bashi den proteccion di refugiado di Venezolanonan na Aruba door di e investigador di Amnesty Tamara M. de Paula. E rapport ta resalta e falta di legislacion specifico pa asilo na Aruba, problemanan cu detencion di imigracion y preocupacionnan pa loke ta trata e trato di solicitantenan di asilo Venezolano, incluyendo muchanan. E rapport ta e prome investigacion di Amnesty International riba Venezolanonan cu ta pidi asilo na Aruba.
AHATA a ofrece seminario di Inteligencia Artificial (AI) na su miembronan
ORANJESTAD – Aruba Hotel & Tourism Association (AHATA) a organisa un seminario gratuito pa su miembronan titula "AI at Work: Beyond the Hype", diseña pa introduci su participantenan na e potencial di Inteligencia Artificial (AI) den cada uno di nan companianan. Durante e evento, dos experto local di AI, Sr. Ross Brezovar, doño di Aruba ROI, y Sr. Laurens Ras, AI Conversion Consultant y miembro di Impact Hub Aruba, a presenta informacion valioso riba con AI por beneficia y mehora e operacion di un compania.
Follow NoticiaCla
