Homber ta cay di 10 piso di edificio y fayece

ORANJESTAD -  No ta confirma ainda si e persona cu a fayece despues di cay for di e edificio halto na Palm Beach conoci como Aqua Condominium, a cay of a tira su curpa. E informacion inicial ta cu 'un persona lo a bula for di e di 10 piso di Aqua na Palm Beach'.Mesora polis y ambulance a bay na e sitio y a nota cu e persona no ta dunando señal di bida. Mesora e polis na  e sitio a pidi pa autoridadnan competente. Polis tabatin full e edificio cera, pa asina e departmento technico di polis por cuminsa cu e investigacion. Identidad di e victima no ta conoci ainda. Investigacion lo mester por confirma si ta trata di un caso di suicidio. Slachtofferhulp tambe a wordo pidi pa bay na e sitio pa si acaso familiaresnan por yega of ta na e sitio