Gobierno di Aruba lo apela sentencia pa expulsa militar Venezolano cu a pidi asilo

ORANJESTAD – “Gobierno di Aruba ta bay apela”, tabata contesta di prome minister Evelyn Wever na Noticiacla riba e caso unda cu recientemente Corte di Aruba a dicta pa reconsidera e expulsion di un militar Venezolano. Recientemente Corte di Aruba a dicidi cu gobierno di Aruba revisa su desicion pa expulsa Prome Teniente di Aviashon Daniel Francisco Ibarra Moreno, un oficial militar Venezolano cu a pidi asilo na e pais despues di a hui for di Venezuela na juli 2018. , meimei di e “crísis político .” E noticia a haya atencion internacional, y sigur den medionan Venezolano. Segun premier Wever, esaki ta un di hopi caso cu gobierno ta atende riba e tema aki. Pero posiblemente pasobra ta trata di un militar e biaha aki, e la haya atencion grandi internacional y sigur na Venezuela. 

SENTENCIA 

Segun e portal Crónicas del Caribe, e sentencia, emití pa hues Bert Jan van Ettekoven diarason 4 di September ultimo, ta destaca e preocupacion cu e solda “por enfrenta un huicio pa desercion i wordo usa pa reprimi e poblashon of participa den un conflicto arma contra Guyana”, specialmente despues di e acontecimentonan recien relaciona cu e eleccionnan presidencial di diadomingo ultimo, dia 28 di juli.