Ex presidente Mericano Jimmy Carter ta cumpli 100 aña awe y kier vota pa Kamala Harris
ATLANTA - Su di 100 cumpleaños awe no ta e logro cu Jimmy Carter tabata ansioso pa wak. Aunke ningun otro ex presidente Mericano a yega di yega e edad ey, Carter kier dura un poco mas: e ta spera di por deposita su voto pa su compañero miembro di partido Kamala Harris den su importante estado swing di Georgia.
Carter a nase un siglo pasa den e stad di Plains, noort di e estado, caminda e ta biba te awe. Aunke awor e ta haya cuido paliativo, tog e ta sigui actualidad cu interes, segun su famia.
“Specialmente den e último lunanan e tabata hopi interesá den notisianan mundial, den polítika,” nietu Jason a bisa resientemente tokante su pawpaw. “Ora nos a puntr’é si e tabata ansioso pa su di 100 cumpleaños, el a bisa ku e tabata spesialmente ansioso pa vota pa Kamala Harris.”
VOTONAN POSTAL
Pa haci esaki, Carter mester keda na bida por lo menos te 15 di october, e fecha riba cua votonan postal por wordo debolbí na Georgia. Si e carchi di votashon a wordo procesa despues pa e localidad di votashon, su voto riba 5 di november tambe lo conta si e fayece.
Carter tabata presidente mericano di 1977 pa 1981. Su único periodo tabata principalmente sombra pa malestar económico i e crísis di rehen na Iran. Su actividatnan despues ku Ronald Reagan a gana e bataya pa Cas Blanco a resulta miho: su esfuersonan contra malesa, hamber, opreshon y pobresa rond mundo a dun’é e Premio Nobel di Pas na 2002.
Paisnan di UE ta bai di acuerdo pa cobra impuesto halto riba autonan electrico Chines
BRUSELAS - Ta birando mas caruo pa bende autonan electrico Chines den Union Oropeo. Paisnan di UE a duna lus berde pa introducí invoerrechten riba autonan electrico for di China pa proteha nan propio industria.
Caso di asesinato di rumannan Menendez for di Merca por wordo trata di nobo
LOS ANGELES - Un di e casonan di asesinato mas controversial na Merca por wordo treci dilanti di corte atrobe. Fiscal principal na Los Angeles a anuncia cu e lo revisa e caso sensacional di asesinato di Menendez, cu a wordo treci bek den spotlight pa un serie di Netflix.
Debate entre candidatonan Vance y Walz a mustra cu Vance tabatin miho experiencia
NEW YORK - Exactamente cinco siman prome cu e eleccionnan presidencial na Merca, ayera nochi e spotlight tabata riba e candidatonan pa vice presidente. Republikano J.D. Vance y Democrata Tim Walz a debate pa casi dos ora na CBS News. Esei tabata riba hopi punto mas substansial cu esun entre nan hefenan Donald Trump y Kamala Harris, aunke ambos debatido a pasa hopi tempo ta critica e candidato presidencial di otro.
Netanyahu ta priminti vengansa despues di atake di misil Irani
TEL AVIV - Prome minister Israeli Netanyahu a anuncia represaya pa e atakenan di misil di Iran ayera nochi riba su pais. “Iran a comete un eror grandi y lo paga p’e,” el a bisa despues di a reuní cu e gabinete di seguridad.
Ex premier Mark Rutte instala oficialmente como hefe nobo di OTAN
BRUSELAS – Ex prome minister di Hulanda Mark Rutte a wordo instala como Secretario General nobo di OTAN na sede di OTAN na Bruselas. Despues di un ceremonia, el a tuma over oficialmente for di Jens Stoltenberg, kende tabata e hefe di e aliansa militar pa dies aña.
Welga di haf grandi na Merca a cuminsa!
MIAMI - E sector di barco tin algun tempo ta tene cuenta cu esaki, pero awor e ta sosode di berdad. Entrante awe, personal di haf banda di costa oost di Merca i den Golfo di Mexico lo stop di traha. E ta un welga cu ta enbolbí decenas di miles di empleado i cu por tin un impacto signifikante riba e comersio mundial di barko.
Follow NoticiaCla
