E prome minister nobo di Hapon ta anuncia eleccion instantaneo pa oktober
TOKIO - Apenas tres dia despues di a wordo eligi como e lider nobo di e partido na mando di Hapon, e Prome Minister nobo Shigeru Ishiba a anuncia plannan pa un eleccion instantaneo pa dia 27 di october.
Ishiba, di 67 aña, a reemplasa e prome minister saliente, Fumio Kishida, como hefe di e Partido Democrático Liberal (LDP) diabièrne, despues di un careda estrecho cu a mir’e sigura mas voto cu cualkier di e otro ocho candidatonan.
Como cu LDP tin un mayoria parlamentario, Ishiba lo wordo aproba como prome minister pa Parlamento diamars.
“Ta importante pa e administracion nobo wordo huzga pa pueblo mas pronto posibel”, Ishiba a bisa den un conferencia di prensa na Tokyo dialuna, segun Reuters.
Paisnan di UE ta bai di acuerdo pa cobra impuesto halto riba autonan electrico Chines
BRUSELAS - Ta birando mas caruo pa bende autonan electrico Chines den Union Oropeo. Paisnan di UE a duna lus berde pa introducí invoerrechten riba autonan electrico for di China pa proteha nan propio industria.
Caso di asesinato di rumannan Menendez for di Merca por wordo trata di nobo
LOS ANGELES - Un di e casonan di asesinato mas controversial na Merca por wordo treci dilanti di corte atrobe. Fiscal principal na Los Angeles a anuncia cu e lo revisa e caso sensacional di asesinato di Menendez, cu a wordo treci bek den spotlight pa un serie di Netflix.
Debate entre candidatonan Vance y Walz a mustra cu Vance tabatin miho experiencia
NEW YORK - Exactamente cinco siman prome cu e eleccionnan presidencial na Merca, ayera nochi e spotlight tabata riba e candidatonan pa vice presidente. Republikano J.D. Vance y Democrata Tim Walz a debate pa casi dos ora na CBS News. Esei tabata riba hopi punto mas substansial cu esun entre nan hefenan Donald Trump y Kamala Harris, aunke ambos debatido a pasa hopi tempo ta critica e candidato presidencial di otro.
Netanyahu ta priminti vengansa despues di atake di misil Irani
TEL AVIV - Prome minister Israeli Netanyahu a anuncia represaya pa e atakenan di misil di Iran ayera nochi riba su pais. “Iran a comete un eror grandi y lo paga p’e,” el a bisa despues di a reuní cu e gabinete di seguridad.
Ex premier Mark Rutte instala oficialmente como hefe nobo di OTAN
BRUSELAS – Ex prome minister di Hulanda Mark Rutte a wordo instala como Secretario General nobo di OTAN na sede di OTAN na Bruselas. Despues di un ceremonia, el a tuma over oficialmente for di Jens Stoltenberg, kende tabata e hefe di e aliansa militar pa dies aña.
Welga di haf grandi na Merca a cuminsa!
MIAMI - E sector di barco tin algun tempo ta tene cuenta cu esaki, pero awor e ta sosode di berdad. Entrante awe, personal di haf banda di costa oost di Merca i den Golfo di Mexico lo stop di traha. E ta un welga cu ta enbolbí decenas di miles di empleado i cu por tin un impacto signifikante riba e comersio mundial di barko.
Follow NoticiaCla
