Mal tempo (lamper) a laga varios area na Aruba dialuna mainta sin coriente
ORANJESTAD – Varios parti di Aruba ta sin coriente for di 5’or di marduga, debi na mal tempo na Aruba. Debi cu lamper a dal riba un liña di voltahe halto, ELMAR a confirma cu nan tabata confrontando un interupcion den suministro di coriente den un parti di Balashi, un parti di Sabana Basora, un parti di Savaneta y vecindario. E problema ta cu mientras cu e tempo keda malo, e situacion tin cu keda asina. ELMAR despues di mira e situacion, despues di un ora y mei cu a raporta e prome problema, a informa cu no ta safe pa e tecniconan traha riba e liñanan di voltahe halto. “Nos tecniconan ta pendiente pa tempo calma pa asina nan por eherce nan trabou na un manera safe pa nan mes y esnan den e area. Seguridad ta nos prioridad”, ELMAR a sigui bisa. Pues no ta conoci ki ora e situacion por normalisa.
DVG: ‘Bedlegerig’ patient na cas tambe por ricibi vacuna di Influenza y/of COVID-19
ORANJESTAD - Pa proteha e grupo di ciudadanonan ‘bedlegerig’ na cas di desaroya complicacion of asta fayece debi na infeccion cu e virus di Influenza of COVID-19, DVG ta bay cuminsa ofrece e vacuna anual di Influenza y/of e vacuna di COVID-19 cu ta contene e variante mas actual na ‘bedlegerig’ patient (esnan na cama/inmobil) na cas.
Conocido mecanico Wilfred ‘Freddy’ Ras ta fayece a consecuencia di accidente riba Palo Marga
ORANJESTAD – E conocido mecanico di auto Wilfred “Freddy” Ras (65) a fayece tragicamente diaranson despues di un accidente cu un di e autonan. E accidente mes a pasa den e "pit" area ora nan tabata ahusta un dje autonan di Brazilian Flash su motor, ora cu esaki a bai den "drive" accidentalmente pasando riba sr Ras. Diahuebs merdia e ekipo Brazilian Flash a tene un conferencia di prensa pa duna mas informacion riba e suseso tragico aki. Noticiacla ta manda palabra di forza pa e famia completo.
A crea un portal special pa por localisa talento musical local necesario
Bira Miembro di Botica di Servicio y Participa pa Gana!
Plan di Mayor Aruba: E demanda pa mediacion ta creciente!
ORANJESTAD - Manera ta conoci Ley di Plan di Mayor: (LV Voortgezet Ouderschap en Zorgvuldige Scheidingen) a bay na vigor dia 1 di maart 2024. E Ley aki ta basa riba e derecho cu un mucha tin pa wordo cria door di ambos di su mayornan apesar di un separacion. Mayornan cu divorcia/separa tin e obligacion di traha un Plan di Mayor caminda nan mester stipula con nan ta bay comparti e responsabilidadnan pa cu nan yiunan. Tambe e ley ta pone enfasis riba articulo 12 di tratado internacional di derechonan di mucha, cual ta cu e mucha mester tin un bos den asuntonan cu ta regard’e.
Amnesty: Aruba mester proteha Venezolanonan cu ta busca asilo, miho
MIAMI - Venezolanonan cu ta pidi asilo ta victima di e falta di legislacion di asilo na Aruba. Aruba ta solamente 24 km di Venezuela y hopi Venezolano ta drenta Aruba iregularmente via viahenan peligroso riba lama y despues automaticamente ta wordo poni den detencion y deporta. Esaki ta loke Amnesty International ta declara den e estudio di awe ‘Regla pero No Proteccion’ – develando bashi den proteccion di refugiado di Venezolanonan na Aruba door di e investigador di Amnesty Tamara M. de Paula. E rapport ta resalta e falta di legislacion specifico pa asilo na Aruba, problemanan cu detencion di imigracion y preocupacionnan pa loke ta trata e trato di solicitantenan di asilo Venezolano, incluyendo muchanan. E rapport ta e prome investigacion di Amnesty International riba Venezolanonan cu ta pidi asilo na Aruba.
Follow NoticiaCla
