Parlamentario Tromp (MAS) a entrega keho contra iregularidad den SSA
ORANJESTAD – Parlamentario Marisol Tromp (MAS) diahuebs a confirma cu e mainta ey, e la entrega na Ministerio Publico pruebanan cu el a ricibi di malversacion den un fundacion di deporte di gobierno cu ta resorta bou minister Endy Croes. Segun Tromp, hopi biaha hende ta tende rumor y ta papia riba caya pero e parlamentario ta sigura cu e la ricibi pruebanan preto riba blanco y e ta compronde e consternacion cu tin riba e caso aki paso ta trata di berdad over di mal uzo di funcion di e director di Stichting Sportsubsidie Aruba (SSA) pero ta wak tambe cu valsheid in geschrifte ta tuma lugar. “Hopi biaha bo ta core den caya y ta wak hobennan para riba caya ta pidi placa cu bleki den man ta sacudi paso nan mester di placa pa por haci nan deporte y bay afo” e ta bisa.
PLACA DI SUBSIDIO NO TA YEGA NAN DESTINO
Parlamentario Marisol Tromp a splica cu loke el a entrega ta entre otro documentonan cu prueba cu tin peticionarionan cu ta haci deporte of ta di cierto organisacionnan cu ta inclui hobennan, y nan ta haci peticion pa wordo susbidia, por ehempel, pa bay den exterior y e minister responsabel pa e cartera aki Endy Croes ta haya e petishon aki y aunke e peticion ta pa un fundacion, e minister ta aproba cierto sumanan y bo ta mira aki cu e placa no a yega su destino. Ora hendenan a tuma nota di esaki bo por wak cu e invoicenan ta falso. Ora el a wak e documentonan cu el a ricibi, por mira cu e placanan no ta bay pa e fundacion of hobennan sino ta un invoice falso. Enbes cu e placa bay pa e compania, hoben of organisacion, e placa no ta yega nunca cerca e organisacion of muchanan.
RECIBONAN TA WORDO FALSITIFICA
“Al contrario, e invoicenan ta falso y ora di controla bo ta mira cu tin reisburo’s involvi y unda asta documentonan di nan a wordo falsifica. Kiermeen e documento ta aparenta despues cu el a bay pa e director mes y su famia y otro personanan cu nan nomber ta riba dje y cu por ehempel a biaha cu e suma aki” Lopez ta sigui bisa. Esaki segun Tromp, ta un ehempel chikito pa compronde cu ta abuso y ladronicia di placa cu ta destina pa un meta ta wordo mal uza pa un otro meta y no djies un of dos biaha sino den un forma structural. E ta mane un modus operandi, un manera di trata cu placa di fondonan cu tin un destinacion y cu no ta bay pa e destinacion aki. Ora bo wak e papelnan ta parse mane cu e ta bay e destinacion aki, pero ora abo wak bon, e no a yega nunca e meta cual ta e hoben, e mucha, e vereniging di sport. E placa nunca a yega su destinacion.
MODUS OPERANDI
“Aki tin hopi forma cu el a wordo haci y loke mi a haya den mi poder, esey mi a entrega y ta un bunch basta grandi di tur e pruebanan”, asina parlamentario Marisol Tromp ta trece dilanti. E parlamentario di MAS ta haya hopi lamentabel cu un gobierno cu ta papia di integridad, no ta prome bes cu ta wak e tipo di modus operandus aki y vooral cu e minister aki ya a hay’e envolvi den un caso similar antes. Awor aki por mira cu esaki ta sosode atrobe y laga husticia haci su trabou.
.
Gobierno di Aruba lo apela sentencia pa expulsa militar Venezolano cu a pidi asilo
ORANJESTAD – “Gobierno di Aruba ta bay apela”, tabata contesta di prome minister Evelyn Wever na Noticiacla riba e caso unda cu recientemente Corte di Aruba a dicta pa reconsidera e expulsion di un militar Venezolano. Recientemente Corte di Aruba a dicidi cu gobierno di Aruba revisa su desicion pa expulsa Prome Teniente di Aviashon Daniel Francisco Ibarra Moreno, un oficial militar Venezolano cu a pidi asilo na e pais despues di a hui for di Venezuela na juli 2018. , meimei di e “crísis político .” E noticia a haya atencion internacional, y sigur den medionan Venezolano. Segun premier Wever, esaki ta un di hopi caso cu gobierno ta atende riba e tema aki. Pero posiblemente pasobra ta trata di un militar e biaha aki, e la haya atencion grandi internacional y sigur na Venezuela.
Sport Subsidie a entrega keho penal pa iregularidad detecta den su fundacion
ORANJESTAD – Despues cu algun dia pasa Fundacion Sportsubsidie Aruba (SSA) a confirma cu tabatin iregularidadnan tumando lugar den su fundacion pa cual a cuminsa un investigacion, un dia despues, nan a confirma cu “diaranson 25 di september 2024, a entrega un keho penal na autoridadnan di landsrecherche pa loke ta trata iregularidadnan detecta dentro di e fundacion”. No ta conoci contra cuanto persona esaki ta, pero ta mustra cu sigur un persona, den e caso aki e persona K. Vrolijk. Segun SSA, e iregularidadnan detecta ta regarda transaccionnan financiero sin cu e obhetivonan deportivo planea a wordo realisa.
Corte di Aruba ta ofrece bishita tras di cortina cu open dag!
Cantidad di sospechoso pa caso di corupcion na Aruba a aumenta cu 65%
ORANJESTAD - E cantidad di sospechoso pa casonan di corupcion na Aruba a aumenta cu 65% compara ku 2022. Esaki segun e raport annual di 2023 di Ministerio Publico, publica diahuebs. Di e 44 citacion (na 2022: 3) cu a wordo traha, 18 sentencia (na 2022: 13) a wordo pronuncia. E sobra dagvaarding ainda mester wordo hiba dilanti di Corte. Den e casonan cu a resta, toch a dicidi pa (condicionalmente) schors e caso.
OM: Coremento sin rijbewijs tabata e infraccion mas cometi na 2023
ORANJESTAD – Coremento sin rijbewijs tabata e infraccion mas cometi na Aruba, segun e rapporta annual di Ministerio Publico pa 2023 cu a keda publica diahuebs. Interesante cu OM ta usa e palabra ‘crimen’, osea misdrijf na Hulandes pa cataloga e asunto aki. Aki tambe a constata un aumento den coremento sin rijbewijs. Aña pasa, e crímen aki a keda na prome luga, cu un cantidad mas abou di 716 sospechoso na 2022 compara ku 2023. Esaki ta representa un aumento di 26%.
Corte: Permiso di construccion pa Secrets Hotel ta otorga segun ley!
ORANJESTAD - Diaranson 4 di september, Corte Comun di Husticia a dicta den un sentencia di 30 pagina, den e casonan entama pa 10 habitante di Sero Colorado relaciona cu e permiso di construccion (bouw vergunning) pa Secrets Hotel. Corte Comun a dicta e.o. cu e permiso di construccion en cuestion a wordo otorga conforme ley y reglanan vigente y pues no tin motibo pa e permiso wordo anula.
Follow NoticiaCla
