Partido PDR di Leonardo Figaroa no ta participa mas den e eleccion na December!

ORANJESTAD – E prome di 4 partido politico nobo cu tabata poni pa participa den e eleccion parlamentario 2024, Partido Direccion Politiea cu su lider Leonardo Figaroa ta retira su partipacion. “ Mi ta desea di informa pueblo cu mi persona, y Partido Direccion Politiea a manda informa Conseho Electoral di Aruba mediante un carta cu nos lo no ta participando na e eleccion benidero di 6 december 2024” e la bisa.

MOTIBO 

Mirando e hecho cu e periode di eleccion ta asina serca, organisatoriamente y financieramente e ta presenta retonan cu aworakinan como organisacion no ta alcansabel mas pa por presenta un organisacion solido cu por brinda e confiansa na e electorado pa ta un opcion real pa e grupo cu ta determina pa vota pa algo diferente. Esey segun Figaroa, ta su motibo principal pa no participa. " Personalmente, e decision aki ta kibra mi curason, pero tin ora como un lider bo tin cu accepta cu e circumstancianan no ta faboral y esey ta pone cu bo tin cu haci un reflexion profundo riba ki impacto bo decision lo tin pa Aruba. Mi compromiso cu hobennan, studiantenan, muchanan y pueblo di Aruba no a termina” e ta sigui bisa. Paworkinan e lo  enfoka completamente riba su estudio, unda cu desde 18 di september e por yama su mes un hurista cu su titulo di LL.B. Su rol den politicamientrastanto lo ta uno diferente, pero e sa cu e compromiso pa empoderacion lo continua.