Zuidoost di Merca (Florida) ta prepara pa yegada di horcan Helene ‘catastrofico’

MIAMI - Horcan Helene ta sigui fortalece segun cu e ta bai den direccion di e costa di Golfo di Merca, primordialmente Florida. E tormenta di categoria un ta na caminda pa intensifica lihe den un horcan peligroso di categoria cuater pa ora e yega tera na Florida diahuebs anochi ora local, cu pronostico y advertencia oficial ta describí su impactonan probable como “catastrofico”, “menasante pa bida” y “insobrevivibel”. E gobernadornan di Florida, Georgia, North Carolina, South Carolina y Virginia a declara estadonan di emergencia prome cu e tormenta su yegada na tera. E peninsula Yucatan di Mexico y e resortnan turistico di Cancun y Cozumel a keda spar di daño grandi ora e horcan a rondona su costa nortoost pero no a logra yega tera.