Alkalde di New York acusa di corupcion despues di investigacion

NEW YORK - Alcalde di New York Eric Adams a wordo acusa despues di un investigacion, di corupcion, segun medionan Mericano ta informa. Door cu e acusacion no a wordo haci publico ainda, no ta cla ainda pa kico exactamente e lo wordo persigui. Sinembargo, Adams a bisa caba cu e lo defende su mes. Ta prome biaha cu un alcalde di New York den funcion ta wordo persiguí.

Polis a confisca e telefonnan di e democrata y un iPad na november ultimo den un investigacion riba soborno. Adams ta wordo acusa di a acepta donacionnan di campaña a cambio di defensa ilegal pa partidonan stranhero. Turkia a wordo menciona, pero e contactonan di Adams cu Israel, China, Qatar, Sur Korea y varios otro pais tambe lo wordo investiga.

Pa motibu di e sospechonan, polis ya a invadí e recaudacion di fondo principal di Adams aña pasa. Na comienso di e luna aki, e investigacion a wordo amplia pa inclui e confidentenan di Adams, kende nan telefonnan tambe a wordo confisca. Su hefe di polis, director di enseñansa y consehero huridico a renuncia despues.