Dos fraccion di Parlamento kier minister duna claridad riba iregularidad den SSA

ORANJESTAD – Dos fraccion den Parlamento, MAS y ACCION21 a pidi presencia di minister di deporte Endy Croes pa ‘duna cuenta’ riba e iregularidadnan den Stichting Sport Subsidie (SSA). Nan a firma un carta pa Presidente di Parlamento pa yama e reunion mas liher cu ta posibel. Segun e dos fraccionan, ta sumamente importante menciona cu for di e dos investigacionan haci dor di ARA, nan a constata cu tin iregularidadnan den e fundacion di e e.o. Stichting Sportsubsidie Aruba (SSA) y cu por lo menos nan no tin nan reglanan na ordo y no ta tene nan mes na reglanan ni statutonan di e fundacion.