Oficina den edificio Ex Domus Coruba a kima

ORANJESTAD - Dialuna anochi algo prome cu 7'or dos unidad di brandweer a wordo manda cu urgencia den Guitarastraat na Tarabana, caminda un edificio tabata bou huma. Ta trata di e edificio unda Ex Domus Coruba tabata y despues J.P. Maal, y unda cu actualmente tin varios oficina den e negoshi y patras un warehouse.

PROME RAPORTAHE

Segun un di e representante di e edificio tabata splica na e sitio cu nan a cera pa 5 or y tur cos tabata normal. Un rato despues e lugar tabata bou huma. Na yegada personal di brandweer a nota cu basta huma tabata sali for di e porta principal. Mesora nan a habri e porta aki y a cuminsa combati e candela. Hopi liher e personal di brandweer a logra domina e candela por complete. E candela tabata den un di e oficinanan full dilanti. Personal di brandweer a saka un stoel cu lo a kima den e candela.

ORIGEN DI CANDELA

Aparentemente brandweer no por a saca afo e origen di e candela y a pidi pa departamento technico di polis por haci un investigacion pa asina descarta por descarta e posibilidad cu por ta trata di un candela intencional. E daño a wordo haci na e oficinanan dilanti. Aparentemente e vloer di e segundo piso ta di beton, cu lo hacie casi imposibel pa e candela por a expande pa e di dos piso.