Polis a detene dos hoben en conexion cu arma di candela

Posted on 09/25/2024 2:26 pm AST | Updated on 09/25/2024 2:29 pm AST

ORANJESTAD - Recherche di San Nicolas ta investigando un caso serio di tiramento cu arma di candela conhuntamente cu polis uniforma di San Nicolas, cu a tuma lugar riba 8 di september 2024 na Esso Ville San Nicolas.

Den cuadro di esaki y un investigacion haci pa e recherchenan a haci un entrada hudicial na Madiki y Sabana Liber.

Den oranan trempan di mainta a haci detencion di dos hoben. Ta trata aki di e personanan di inicial di A.J.Z.C.R. naci na Aruba y e otro hoben di inicial J.C.A.S. naci na Cuba di 17 aña di edad.

Equipo forma dor di diferente unidad policial manera team di aresto, recherchenan, K9 Unit como tambe cu sosten di fiscal di Ministero Publico a haci e entrada hudicial.

E invesitgacion ta den full swing y no ta descarta cu lo por tin mas detencion. Abo a wak algo of sa algo y kier keda anonimo por yama Polis na 11141. Laga bo informacion atras y nos lo garantisa cu bo lo keda anonimo

Polis a detene adulto mayor di 70 aña pa posecion di droga
ORANJESTAD -Diamars atardi Unit Narcotica ta haci un entrada hudicial na un cas na Heidestraat.
Mas Polis
Lesa Mas
Zr. Ms. Friesland ta intercepta 511 kilo di cocaina
ORANJESTAD - Zr.Ms. Friesland un biaha mas a intercepta un transporte di droga den Laman Caribe. Despues di un persecusion, e barco di Marina a confisca un cantidad grandi di cocaina. Esei a sosede dia 14 di juni, pero ta te awe esaki a keda anuncia.
Mas Polis
Lesa Mas
Polis ta cuminsa usa bodycams entrante otro siman!
MACUARIMA – Durante e mesun siman cu Parlamento a trata e tema durante un reunion publico, esta riba e.o. e uso of falta di uso di bodycams, Cuerpo Policial a anuncia diabierna, cu for di otro siman, polisnan ta subi caya cu bodycams. Mientras cu tabatin discusion den Parlamento, lidera pa e fraccion di PPA riba e tema, cu ainda no tin esaki, minister di husticia Arthur Dowers a mustra cu e proyecto tabata bezig, pero pa motibo di problema legal, no a inicia cu e proyecto. Pero, diripiente, e siman aki, e anuncio a bin cu otro siman polis tin bodycam na curpa.
Mas Polis
Lesa Mas
Polis a detene pareha y otro persona den caso di traficacion di hende
ORANJESTAD – Polis a informa diaranson mainta cu dialuna mainta polis a detene pareha y otro persona den caso di traficacion di hende.
Mas Polis
Lesa Mas
Polis ta alerta riba hortamento di brommer di marca AKT
ORANJESTAD - Cuerpo Policial Aruba a tuma nota cu recientemente tin un tendencia pa loke ta trata hortamento di e brommer marca AKT. “Nos kier concientisa nos comunidad cu tin un di e brommernan aki pa tuma bon nota di esaki y como mensahe di prevencion pa pone extra seguridad pa evita cu bo brommer wordo horta. Esaki door di pone por ehempel: un bon candal, un stuurklem, GPS-tracker y of alarma. Paga bon atencion na unda bo ta parkeer bo brommer. Por ehempel: pare na unda tin suficiente luz, pone bo brommer na cadena cu slot na un objeto cu ta dificil pa move y bay cune” “Otro tips extra ta no laga bo yabi na unda cu ta. Percura pa bo saca foto di bo brommer incluyendo e serienummer. Esaki ta pa si acaso e wordo horta bo por mustra polis”. Cuerpo Policial lo keda informa y consientisa pueblo pa ta mas alerta pa tipa di actonan asina
Mas Polis
Lesa Mas
Atraco Team a detene hoben na Kamerlingh Onnestraat pa ladronicia
ORANJESTAD - Diabierna den oranan di madruga, team di Aresto hunto cu Atraco Team a tene un entrada hudicial na un percela na Kamerlingh Onnestraat. E aresto ta enconexion cu un caso di atraco cu a tuma lugar den luna di april. Akinan e sospechonan a bay cu hoyas y cellular. Na e percela a detene e homber di inicial J.D.L. naci na Aruba di 19 aña. Den e caso aki e sospechoso J.D.L. ta bira e di dos detencion pa cu e caso aki. No ta descarta cu lo tin mas detencion den e dianan nos dilanti.
Mas Polis
Lesa Mas