Greenpeace por sigui cu caso di clima na Boneiro contra estado Hulandes

KRALENDIJK - Greenpeace por sigui cu e demanda contra gobierno Hulandes, den cua e organisashon ambiental ta exigí pa estado Hulandes haci mas pa proteha Boneiro contra cambio di clima. Greenpeace tambe kier pa Hulanda traha riba reduccion di emision di gasnan di efecto invernadero mas lihe.

Na comienso di e aña aki, ocho habitante di e isla Caribense a bay Corte na Den Haag hunto cu Greenpeace. Segun e organisashon ambiental y residentenan, gobierno “tin e deber di proteha su residentenan contra e consecuencianan di cambio di clima”. Nan ta kere cu tin mucho tiki plan pa mantene e habitantenan di e isla Caribense safe.

Boneiro ta parti di Hulanda i tin un status separa, komo munisipio special. “Tin un strategia di adaptacion na clima, un plan di delta y un programa di awa pa Hulanda Europeo,” Greenpeace a bisa anteriormente. “Pero gobierno Hulandes no tin plannan concreto di proteccion pa Boneiro. Meimei di e crísis di clima, esei ta iresponsabel.”

Residentenan no ta permiti pa participa

Corte na Den Haag awor a dicta cu e caso cu Greenpeace Hulanda kier trece ta admisibel y cu e organisashon di medio ambiente por para pa interes general di Boneiro.

E ocho residentenan no mag di participa pasobra, segun hues, nan no por a substancia corectamente dicon nan lo tabatin ‘un interes directo di nan mes’. Greenpeace a puntra si e residentenan ta permití pa papia durante e audiencia substancial.

Greenpeace ta contento cu e caso por cuminsa, pero ta crítico riba e curso di e sucesonan. “Ta tristo ku algo asina ta necesario pa tene e estado na su mes palabracionnan,” director Marieke Vellekoop di e organisacion di medio ambiente ta bisa.