NV ELMAR tabatin algun problema cu coriente den Playa diaranson mainta

ORANJESTAD -  Debi na un acidente di auto involviendo un palo di luz diaranson mainta, NV ELMAR a confirma di tabata confrontando problema cu distribucion di coriente na Playa. Despues tabatin un otro problema, afectando e area di Socotoro, Madiki, un parti di Oranjestad: Un ora despues a informa cu  a reestablece e suministro di coriente den un parti di Oranjestad.

E CAUSA 

E causa tabata un interpcion di suministro riba un kabel bou tera. A localisa e area specifico di e storing riba e kabel y inicia e proceso pa isola esaki, y reestablece e suministro di coriente den e resto di areanan afecta. Un ora despues cu a logra haya e problema, mayoria di cliente tin servicio di coriente bek, cu excepcion di Bernadetastraat.