Israel ta bolbe bombardeando decenas di blanco di Hezbollah na Libanon

LIBANON - E tencionnan entre Israel y Hezbollah ta sigui aumenta. Despues di e ola di pagernan cu ta explota, tin un chens grandi di escalacion den noord. Mientrastanto, e lucha contra Hamas ta sigui, lagando civilnan Palestino den un situacion difícil. Tambe tin mas o menos 100 rehen Israeli cu ta wòrdo detene un caminda na Gaza, y ta trahando riba un stop di candela. Dialuna, Israel a bisa cu el a alcansa 1.600 blanco den henter Libanon. Segun e autoridadnan Libanes, casi cinco cien persona a muri y 1.645 a resulta herida. Israel a afirma di a elimina “un cantidad grandi” di combatientenan di Hezbollah.

Hezbollah a informa di a ataca varios blanco militar na Israel diamars mainta, incluyendo un fabrica di explosivo y un aeropuerto. Israel ta bisa, segun e sitio di noticia Times of Israel, cu 65 proyectil a wordo tira for di Libanon y cu varios di nan a wordo tira for di laira. Segun informe tabatin daño na algun edificio y un dama a wordo hiba hospital cu heridanan leve.