Tempo calor ta sigui na Aruba cu temperatura yegando 34 grado Celsius

ORANJESTAD - E tempo calor ta sigui den henter e region local cu temperaturanan yegando 34 grado Celsius/ 93 grado Fahrenheit y localmente mas. Aunke e bientunan di awe lo ta un tiki mas halto (modera), e temperaturanan real lo sigui surpasa e 40 grado Celsius/ 104 grado Fahrenheit. E temperaturanan di dia tabata un tiki mas halto cu normal pero e temperaturanan di anochi tabata basta mas halto cu normal parando na asta 30 grado Celsius/ 86 grado Fahrenheit tin biaha pero averahe alrededor di 28-29 grado Celsius/ 82-84 grado Fahrenheit, cu ta 1 pa 2 grado riba e promedio den Celsius. Esaki ta debi na e temperaturanan di superficie di laman hopi cayente cu nos a bin ta hañando ya cu e temperaturanan di laman tabata alrededor di 30 grado Celsius/ 86 grado Fahrenheit ultimamente y como cu nos tin un klima di laman e ta regula nos temperaturanan. Tanten cu e keda seco, e patronchi di weer no cambia y e lamannan sigui ta asina cayente, lo no tin cambio den e condiscionnan actual. Percura pa keda hidrata, limita actividadnan pafo durante e oranan di mas halto, busca sombra si bo ta traha pafo, busca airco mientras bo ta paden i percura pa cuida e grandinan, e muchanan y e bestianan di cas. 

Texto cortesia Caribbean Weather Service