Presidente di Surnam ta fortifica cooperacion regional cu Aruba y St. Maarten na New York

NEW YORK - Presidente Chandrikapersad Santokhi tabatin un encuentro bilateral cu Prome Minister Evelyne Wever-Croes di Aruba y Prome Minister Luc Mercelina di Sint Maarten dia 21 di September na New York. E combersacionnan tabatin como meta pa profundisa e cooperacion y estrecha lasonan entre e tres paisnan, cu enfoke riba desaroyo economico, turismo y inversionnan sostenibel.

Presidente Santokhi a pone enfasis riba e compromiso di Surinam pa cera acuerdonan di cooperacion cu Aruba y Sint Maarten pa construi partnershipnan fuerte. El a menciona e importancia di mehoracion di conectividad y conexionnan suave di biahe entre e paisnan, y a sigura cu Surinam ta habri pa inversionnan y cooperacion, sin importa e circunstancianan.

Mas aleu Santokhi a indica cu Surnam ta dispuesto pa duna asistencia tecnico y financiero y a pidi esfuersonan conhunto, cu enfoke riba oportunidadnan den e sector di zeta i gas.

Prome Minister Wever-Croes di Aruba a mustra riba e exito di un mision comercial recien pa Surinam y a pone enfasis riba e necesidad pa concretisa colaboracionnan den agricultura y maneho di tereno. El’a informa cu, apesar di e status di cuidador di gobierno di Aruba, ta desaroyando un programa prometedor di cooperacion cu Surinam.

Prome Minister Mercelina di Sint Maarten a enfatisa e necesidad urgente di cooperacion den lus di e crisis energetico y e scarsedad di capital humano den su pais. El a defende miho vinculonan di transporte pa impulsa economia di Sint Maarten y a propone pa traha cu otro islanan cu un historia comparti pa establece vinculonan vital di transporte y comunicacion.

Presidente Santokhi a ripiti e importancia di cooperacion den cuadro di CARICOM y e necesidad pa actua conhuntamente riba financiamento di clima. El a expresa sosten pa mas cooperacion den e sector di zeta y gas, cu inversion stranhero bon bini bou di reglanan cla. Tambe el a pidi pa fortalece turismo y a pone enfasis riba e importancia di comunidadnan tribal den interior di Surinam.

Durante e reunion, Aruba a propone pa firma un Memorandum of Understanding (MOU) pa asina formalisa e areanan di cooperacion cu a trata. Prome Minister Mercelina a invita presidente Santokhi pa un bishita oficial na Sint Maarten, un invitacion cu el a acepta. Santokhi a invita e prome ministernan di ambos pais pa e celebracion di independencia di Surinam dia 25 di november proximo.