Director di Serlimar a retira despues di algo menos cu 2 aña den e funcion

ORANJESTAD – Despues di a ocupa e funcion algo menos cu 2 aña, e director di Serlimar SG, Melitza Geerman a entrega su retiro e siman aki. Minister encarga cu Serlimar, esta Ursell Arends mes a keda notifica e siman aki di e decision aki via e Hunta di Supervision(RvT). No ta conoci kico e motibo ta pa e retiro aki despues di menos di un aña den e funcion. For di e reaccion a compronde cu e mandatario mes a keda sorprendi y lamenta. “Mi ta lamenta cu e compania ta haya su mes den un situacion asina na e momentonan aki. Mi a urgi e Hunta di Supervision pa mantene continuidad den e servicionan di Serlimar durante e transicion aki. Mi tin tur confiansa cu e Hunta di Supervision lo inicia e proceso pronto pa nombra un director nobo,” Minister Arends ta reacciona. NOTA: E potret ta di archivo di Noticiacla di dia cu e minister a anuncia cu Geerman a lo a bay asumi su tarea entrante 1 di November di aña pasa.