No tin sosten pa Harris di sindicato influente Teamsters

WASHINGTON - Un di e sindickatonan mas influente di Merka, e Hermandad Internacional di Teamsters, a skohe pa no apoya ningun di e dos candidatonan presidencial pa prome biaha for di 1996. E presidente di e sindicato, Sean O’Brien, a skirbi den un comunicado cu encuestanan interno a mustra cu no tin mayoria pa Harris y “no tin apoyo universal” pa Trump.

E encuestanan a wordo publica riba e website di e sindicato mas tempran den dia. Den un consulta di miembro cu a dura di juli pa september, conduci despues cu Biden a retira como candidato, casi 60 porciento di e miembronan a vota na fabor di e sindicato cu ta apoya Trump, mientras cu 34 porciento a vota na fabor di sostene Harris. Un di dos encuesta tuma net despues di e debate entre nan dos a duna un resultado similar: 58 porciento a vota pa Trump, y 31 porciento pa Harris.

E sindicato Teamsters ta representa entre otro chaufeurnan di truck y ta un di e sindicatonan mas grandi na Merca cu mas o menos 1.3 miyon miembro. Desde 1996, e sindicato a sostene cada candidato presidencial democratico. E desicion ta bini dos dia despues di un reunion entre Harris y lidernan di sindicato.