OM: Coremento sin rijbewijs tabata e infraccion mas cometi na 2023

ORANJESTAD – Coremento sin rijbewijs tabata e infraccion mas cometi na Aruba, segun e rapporta annual di Ministerio Publico pa 2023 cu a keda publica diahuebs. Interesante cu OM ta usa e palabra ‘crimen’, osea misdrijf na Hulandes pa cataloga e asunto aki. Aki tambe a constata un aumento den coremento sin rijbewijs. Aña pasa, e crímen aki a keda na prome luga, cu un cantidad mas abou di 716 sospechoso na 2022 compara ku 2023. Esaki ta representa un aumento di 26%.

DELITONAN SEXUAL

Ta prome biaha cu delitonan sexual ta aparece den e top 10. E causa di esaki probablemente ta debi na e proceso di conscientisacion den sociedad di Aruba pa denuncia crimennan.

E 5 crímennan mas halto bou di menornan di edad na 2023 tabata:

1. Violensia habrí;

2. Menasa;

3. Ladronicia bou di circunstancianan agravante;

4. Sanacion;

5. Destruccion.

Top 1 y 2 na 2023 a keda mescos cu esnan di 2022. Sinembargo, e ultimo tres ofensanan a cambia, cu na 2022 tabata ofensanan di droga suave, maltrato y poseshon di arma di candela.

Combatimento di minamento tabata un punto di enfoke den e plan anual di 2023. Combatimentu di corupcion ta parti di un acercamento efectivo pa mina criminalidad. E siguiente tabelnan ta duna un bista di e casonan penal registra cu ta relaciona principalmente cu corupcion. Esakinan ta e crímennan:

- Soborno activo (2:128/ 2:129 Sr);

- Soborno oficial pasivo (2:350/ 2:351 Sr);

- Maluso di posicion (2:354 Sr);

- Falsificacion (2:184 Codigo Penal);

- Fraude (2:305 Sr);

- Labamento di placa (2:404 pa 2:406 di Codigo Penal).