Noticia di presentador popular Argentino, cual casa a hera hoga na Aruba a haya atencion internacional

ORANJESTAD – E noticia di un presentador popular di television Argentino cu a hera hoga na Aruba ta haya atencion internacional den varios medio internacional. Ta trata aki di e dama transsexual  Florencia de la V cu ta conta con e la hera perde su casa pa hogamento durante un vacacion recien na Aruba. Asina e portal argentino Ciudad ta relata. 

Florencia de la V a tuma algun dia liber despues di algun luna di trabao intenso na television y riba pantaya na Merca. E presentadora cu ta encarga cu Intruders in the Show, a dicidi di paketa su maletanan cu henter su famia y tabata eynan cu e tabatin un momento hopi incomodo. E presentadora, despues di a bolbe na pantaya, a comenta riba un momento di tension cu ela experencia na Aruba . Florencia riba su cuenta di Instagram unda cu e tin mas di 1 miyon siguidor, constantemente a subi imagennan riba su feed y a sorprende pueblo cu e postcardnan bunita di e paisahenan paradisiaco cu nan a haya ora nan a yega eynan.

E prome di nan tabata un reel di potret cu su casa y no solamente esei pero e la compañ’é tambe cu e frase: “Meimei di un laman di amor.” Segun cu e dianan tabata pasa, e y su famia tabata disfruta di bahada di solo, desayuno y algun di e bista mas privilegia den Karibe.

Sinembargo, ora el a regresa na su programa, el a conta un momentu difísil cu e mester a enfrenta y cu e tabatin di haber ku Pablo Goycochea, su casa .“E prome kuater dianan mi a pasa mi tempo disfrutando di mi yiunan... Mi a casi perde mi casa,” e la bisa, sorprende tur hende.

Despues el a konta con e momento tenso tabata y a sostene cu e “tabata snorkel. Nos a bai nabega bai na e rifnan. Tabata prome cu almuerso, nos a bisti vest y tur kos... nos tabata bai den awa y e tipo ta custumbra cu hasiendo esei. Nos a bai nabega prome na un waf y na e otro banda tabatin e rif, e laman habrí,” el a bisa.

“El a hiba nos einan... el a mira pisca, tur e insektonan bou di laman. Pero na dado momento mi a mir’é ta saca su cabes pafó, manera un galiña den un baki, mitar hoga,” e la a bisa. Despues ela konta kiko a pasa despues di e asunto fracasá aki y ki reakshon su casa tabatin.

“Mi ta bis’e ‘nos ta bay bek, e unico cos cu a resta ta pa mi ta viuda’. No ta facil, mi a bisa kico mi ta haci, mi ta bay ta viuda cu e muchanan, e scol... Despues nos a bay na e boto y henter e cos a kibra nos dia, pober cos, pero pa suerte tabata djis un susto”, Florencia a bisa. Esaki a parce claramente como un susto y un anecdota tocante con nan vacacion tabata.