Papa Francisco ta kere cu Trump i Harris “ tur dos ta contra bida”
ROMA - Papa Francisco a bisa periodistanan awe cu e ta kere cu e dos candidatonan presidencial Mericano Donald Trump y Kamala Harris “ta tur dos contra bida,” y a urgi ciudadanonan pa vota pa ken ku nan ta considera e “menos di dos maldad.”
“Ken ta esun menos di dos maldad? E señora ey of e cabayero ey? Mi no sa. Tur hende cu un consenshi mester pensa riba esaki y hacie,” e Papa a bisa.
El a hasi e comentarionan ora a puntr’é su pensamentunan riba e eleccion riba un biahe den avion bek for di Asia. El a referí na e candidatonan como, “Esun ku ta tira e migrantenan afo mescos cu esun cu ta mata mucha. Tur dos ta contra bida.”
El a bisa “manda migrantenan bek, nenga migrantenan e capacidad pa traha, pa no duna migrantenan bon bini, ta un pica. E ta grave.”
“Imigracion ta un derecho. Un derecho cu tabata presente caba den e textonan di e Testament Bieu,” el a bisa, prome cu el a bay pa aborto. “Aborto ta matamento di un ser humano. Sea bo gusta e of no, e ta matamento.”
Pidi pa un contesta, e campaña di Trump a manda testimonionan for di cuminsamento di e luna aki di miembronan di alto profil di “Catoliconan pa Trump,” incluyendo Trump su ex embahador na Santa Sede Callista Gingrich y ex Sen. Rick Santorum, elogiando e ex presidente.
E campaña di Harris no a responde mesora na un peticion pa comentario.
Paisnan di UE ta bai di acuerdo pa cobra impuesto halto riba autonan electrico Chines
BRUSELAS - Ta birando mas caruo pa bende autonan electrico Chines den Union Oropeo. Paisnan di UE a duna lus berde pa introducí invoerrechten riba autonan electrico for di China pa proteha nan propio industria.
Caso di asesinato di rumannan Menendez for di Merca por wordo trata di nobo
LOS ANGELES - Un di e casonan di asesinato mas controversial na Merca por wordo treci dilanti di corte atrobe. Fiscal principal na Los Angeles a anuncia cu e lo revisa e caso sensacional di asesinato di Menendez, cu a wordo treci bek den spotlight pa un serie di Netflix.
Debate entre candidatonan Vance y Walz a mustra cu Vance tabatin miho experiencia
NEW YORK - Exactamente cinco siman prome cu e eleccionnan presidencial na Merca, ayera nochi e spotlight tabata riba e candidatonan pa vice presidente. Republikano J.D. Vance y Democrata Tim Walz a debate pa casi dos ora na CBS News. Esei tabata riba hopi punto mas substansial cu esun entre nan hefenan Donald Trump y Kamala Harris, aunke ambos debatido a pasa hopi tempo ta critica e candidato presidencial di otro.
Netanyahu ta priminti vengansa despues di atake di misil Irani
TEL AVIV - Prome minister Israeli Netanyahu a anuncia represaya pa e atakenan di misil di Iran ayera nochi riba su pais. “Iran a comete un eror grandi y lo paga p’e,” el a bisa despues di a reuní cu e gabinete di seguridad.
Ex premier Mark Rutte instala oficialmente como hefe nobo di OTAN
BRUSELAS – Ex prome minister di Hulanda Mark Rutte a wordo instala como Secretario General nobo di OTAN na sede di OTAN na Bruselas. Despues di un ceremonia, el a tuma over oficialmente for di Jens Stoltenberg, kende tabata e hefe di e aliansa militar pa dies aña.
Welga di haf grandi na Merca a cuminsa!
MIAMI - E sector di barco tin algun tempo ta tene cuenta cu esaki, pero awor e ta sosode di berdad. Entrante awe, personal di haf banda di costa oost di Merca i den Golfo di Mexico lo stop di traha. E ta un welga cu ta enbolbí decenas di miles di empleado i cu por tin un impacto signifikante riba e comersio mundial di barko.
Follow NoticiaCla
