Beach na Rodgers Beach lo bira mas grandi cu proyecto di embeyecimento

ORANJESTAD – Si tur cos cana bon, aki cuater luna, e beach  na Rodgers Beach lo ta mucho mas grandi. E siman aki  a tuma luga na San Nicolas, e ceremonia di groundbreaking di e proyecto di embeyecemento di Rodger’s Beach. Prome Minister Evelyn Wever-Croes tawata presente pa e ocasion aki hunto cu Minister Dangui Oduber.

BUILD WITH NATURE 

Prome Minister a indica cu ta trata di un proyecto unda lo aplica e principio “Build with Nature”, cu ta un principio cu DOW ta aplicando ya pa un tempo caba durante proyectonan. Esaki ta encera cu lo cuida e naturalesa y duna bek na naturalesa loke ta di dj’e. BEACH TA BIRA MAS GRANDI 

Durante e proyecto di embeyecemento di Rodger’s Beach lo kibra e asfalt unda actualmente autonan ta staciona y asina e beach lo bira hopi mas grandi y asina lo tin mas espacio pa e pueblo por bin disfruta di e bunita beach.