Pa falta di progreso CAFT, van Zwol no a topa gobernantenan

ORANJESTAD – E top ambtenaar di Hulanda Richard van Zwol tabata na Aruba atrobe siman, pa un bishita cortico, planea. Diferente e biaha aki, sinembargo y cu a cambia, ta cu e no a topa cu gobernantenan formalmente, manera cu tabata planea. Un di e motibonan ta, cu Aruba ‘no ta haciendo suficiente progreso riba implementacion di e protocol’. Esaki segun fuentenan for di Corsou y Aruba cu a confirma esaki na NoticiaCla.com.

BISHITA

E bishita pues tabata uno planea, mirando cu e tabata den region (St Maarten pa reunion di gobernadornan, y despues Corsou pa conferencia di Reino). Pero mirando cu no tin avance riba e puntonan aki a dicidi cu no ta bay reuni cu gobernantenan ‘oficialmente’. In oficialmente e la topa cu e mandatarionan na Corsou caba, y eynan caba cos no a mustra bon.

CAFT

A spera cu pa awor lo tabatin progreso pa papia ariba, relaciona cu e.o. e implementacion di e ley AFT y CAFT entrante 1 di augustus. Pero esaki no ta e caso. “Y 6 siman despues no tin nada pa papia ariba”. E mesun fuentenan a sigui mustra cu si no tin candidato di Aruba pa 1 Augustus, y un ley pa CAFT, Hulanda ta pone e AMvRB (Algemene Maatregel van Rijks Bestuur) bek riba mesa. Esaki mientras cu premier Eman a sigura tur hende cu nan lo keda cla, e fuentenan di Corsou a sigura. NOTA: Foto di Richard van Zwol(robez)  durante su bishita recien cu Rey Willem Alexander, papiando aki cu director interino di gabinete di gobernador Derek Nouta.