A.T.A. a comparti e strategia nobo encuanto e programa “Aruba Promise”
ORANJESTAD - Aruba Tourism Authority (A.T.A.) a presenta e di dos sesion bou di capa di secionnan “Eco-Conscious” dirigi na socio nan den e industria di turismo local. Un sesion cu a ser presenta pa Marisol Sanchez – Communications Manager di A.T.A., y representantenan di agencia internacional Zeno Group cu a cumpli cu un investigacion extensivo hunto cu A.T.A., esta Stephanie Casanova SVP Consumer Communications, Amelia Brandt - Senior Vice President - Purpose & Impact, y Sherwin Francies - Senior Account Executive – Consumer. A comparti e strategia nobo encuanto e programa “Aruba Promise”, cu ta dirigi riba entre otro nos bishitantenan y ta delinea na nan e ‘Code of Conduct’ desea durante nan bishita.
Na mei 2024, A.T.A. a presenta e prome sesion “Eco-Conscious” na socionan local cual a enfoca riba tendencianan global, manera e movemento di “Slow Travel Tourism”, alabes e movemento di “Positive Impact Tourism” cu ta enfatisa y ta enfoca riba impacta e pais di bishita na un manera positivo. Ta di menciona cu despues di e prome sesion, A.T.A. a continua cu trabounan extenso pa asina cuminsa concretisa diferente plan di accion pa cu programa nan nobo y existente.
Cu e di dos sesion, A.T.A. a comparti cambionan pa cu e programa “Aruba Promise”, esta e “Code of Conduct” cu ta para p’e. E bishitante ta wordo pidi pa compromete su mes y firma e promesa cu ta delinea cu e lo comporta su mes di un manera cu ta yuda Aruba protehe locual ta importante pa nos y mehora nos isla conforme locual nos ta hanja ta importante. Globalmente, por nota mas y mas e tendencia pa atrae e bishitante cu ta mas responsabel y sostenibel pa e destinacion. E bishitante cu ta laga e pais miho cu e la hañe. Pa A.T.A., esaki ta di sumo importancia! Desaroya Aruba den conformidad cu practicanan sostenibel, ta exigi cu e bishitante tambe mester ta un huesped responsable y respetuoso na e país cu e ta bishita.
Cu e “Aruba Promise” y “Code of Conduct” actualisa, A.T.A. ta enfoca na crea conscientisacion riba e promesa y comportacion, caminda cu ta urgi e bishitante pa primiti nan mes di disfruta di e destinacion segun un comportacion respetuoso y responsabel. Tur esakinan ta esfuersonan cu A.T.A. a bin ta traha riba dje. Durante di e sesion por a a tuma nota cu socionan local tambe ta mira den e direccion aki.
Pa logra esaki, A.T.A. ta implementando un plan di comunicacion mas extenso cu lo inclui e comunidad local, socionan local, e aspecto di educacion, compromiso, y participacion, cu e meta pa hunto como organisacion, comunidad, y socionan local por bay den e direccion mutuo.
DVG: ‘Bedlegerig’ patient na cas tambe por ricibi vacuna di Influenza y/of COVID-19
ORANJESTAD - Pa proteha e grupo di ciudadanonan ‘bedlegerig’ na cas di desaroya complicacion of asta fayece debi na infeccion cu e virus di Influenza of COVID-19, DVG ta bay cuminsa ofrece e vacuna anual di Influenza y/of e vacuna di COVID-19 cu ta contene e variante mas actual na ‘bedlegerig’ patient (esnan na cama/inmobil) na cas.
Conocido mecanico Wilfred ‘Freddy’ Ras ta fayece a consecuencia di accidente riba Palo Marga
ORANJESTAD – E conocido mecanico di auto Wilfred “Freddy” Ras (65) a fayece tragicamente diaranson despues di un accidente cu un di e autonan. E accidente mes a pasa den e "pit" area ora nan tabata ahusta un dje autonan di Brazilian Flash su motor, ora cu esaki a bai den "drive" accidentalmente pasando riba sr Ras. Diahuebs merdia e ekipo Brazilian Flash a tene un conferencia di prensa pa duna mas informacion riba e suseso tragico aki. Noticiacla ta manda palabra di forza pa e famia completo.
A crea un portal special pa por localisa talento musical local necesario
Bira Miembro di Botica di Servicio y Participa pa Gana!
Plan di Mayor Aruba: E demanda pa mediacion ta creciente!
ORANJESTAD - Manera ta conoci Ley di Plan di Mayor: (LV Voortgezet Ouderschap en Zorgvuldige Scheidingen) a bay na vigor dia 1 di maart 2024. E Ley aki ta basa riba e derecho cu un mucha tin pa wordo cria door di ambos di su mayornan apesar di un separacion. Mayornan cu divorcia/separa tin e obligacion di traha un Plan di Mayor caminda nan mester stipula con nan ta bay comparti e responsabilidadnan pa cu nan yiunan. Tambe e ley ta pone enfasis riba articulo 12 di tratado internacional di derechonan di mucha, cual ta cu e mucha mester tin un bos den asuntonan cu ta regard’e.
Amnesty: Aruba mester proteha Venezolanonan cu ta busca asilo, miho
MIAMI - Venezolanonan cu ta pidi asilo ta victima di e falta di legislacion di asilo na Aruba. Aruba ta solamente 24 km di Venezuela y hopi Venezolano ta drenta Aruba iregularmente via viahenan peligroso riba lama y despues automaticamente ta wordo poni den detencion y deporta. Esaki ta loke Amnesty International ta declara den e estudio di awe ‘Regla pero No Proteccion’ – develando bashi den proteccion di refugiado di Venezolanonan na Aruba door di e investigador di Amnesty Tamara M. de Paula. E rapport ta resalta e falta di legislacion specifico pa asilo na Aruba, problemanan cu detencion di imigracion y preocupacionnan pa loke ta trata e trato di solicitantenan di asilo Venezolano, incluyendo muchanan. E rapport ta e prome investigacion di Amnesty International riba Venezolanonan cu ta pidi asilo na Aruba.
Follow NoticiaCla
