- Gabinete Pisas a pidi retiro di dos di su ministernan di su gabinete
- Opinion: E post cu tur sa tabata bin: clapchi.
- AZV a lanza logo relaciona cu 25 aña di seguro AZV
- VIDEO: Grupo di prensa local a conoce e restaurant mas nobo ‘Gaia House of Grill’ na JOIA Aruba
- Famia di turista cu a muri tragicamente na Aruba, ta papia, y curpa ta 'pega' na Aruba ainda
Con Harris y Trump a hasi den e debate? 'Harris ta bin dilanti como presidencial'
PITTSBURG - E candidato presidencial democratico Kamala Harris ta wordo considera como e ganado di e debate entre e y e republicano Donald Trump. E actual Vice Presidente di Merca tambe ta parce di a haci ganashi den con e votador Mericano ta pensa di dje, aunke e resultadonan ta trempan ainda y e diferencianan no ta grandi.
Segun diferente medionan mericano y e publico mericano, Harris a sali miho for di e debate. Segun Politico, Harris tabata e ganado cla, y un encuesta rapido di CNN di votadonan registra cu a wak e debate a mustra Harris komo e ganado, cu 63 porciento ta mustra riba Harris, y 37 riba Trump. Prome cu e debate, e mesun votadonan tabata exactamente dividi uniformemente riba e expectativa di cua candidato lo a funciona mas fuerte.
E canal di noticia conservador Fox News tambe a yam’e e ganador claro di e debate, pero na mes momento a critica e moderadornan, cu a controla e declaracionnan di e dos candidatonan presidencial.
Harris a wordu asistí “pa dos moderador di ABC News cu aparentemente a sinti e necesidad pa controla echonan practicamente tur loke e ex mandatario a bisa,” e columnista Doug Schoen ta informa, kende despues ta señala mesora cu nada no a wordo determina ainda. “Mientras cu Harris a gana e debate claramente den mi bista, no ta nada cla cu e debate aki, djis 56 dia prome cu e eleccion, lo tin un impacto fundamental riba e resultado di 5 di november.”
Ekipo di Departamento di Estado mericano a yega Venezuela pa reactiva coneccion diplomatico
CARACAS – Un ekipo di DEpartamento di Estado Mericano a yega Caracas, Venezuela diabierna, cu e intencion di evalua e situacion logistico pa por re-establece un coneccion diplomatico na e pais latino. E avion cu a trece e delegacion, hunto cu un diplomatico halto staciona na Colombia, a crea speculacion ora cu e avion a baha prome na Corsou, pa despues sigui pa Caracas. E ta e prome avion mericano cu ta yega Venezuela despues cu e paisnan a kibra relacion diplomatico cu otro. Di otro banda, awe mes Merca a bisa su ciudadanonan cu ta na Venezuela, pa bandona e pais. Pues e situacion ta poco confuso. Noticia den proceso.
Trump a cancela un di dos ola di atake contra Venezuela pa motibo di cooperacion cu Merca
WASHINGTON – Presidente mericano Donald Trump a bisa diabierna marduga cu e la cancela un di dos ola di atake cu tabata spera riba Venezuela, pasobra e pais ta traha hunto cu e Merca. Esaki ta bin casi un siman despues cu Trump a ordena un operacion militar pa kita presidente Venezuelan Nicolas Maduro, cu awor ta den custodia di Merca, huntu cu su casa Cilia Flores for di poder. Despues di esaki operacion militar, Trump a bisa den un conferencia di prensa: “Nos ta cla pa manda un segundo atake hopi mas grandi si necesario… Nos mes a asumi cu un di dos atake tabata mester, pero awor esei probabelmente no ta e caso mas.”
Venezuela a anuncia liberacion di varios preso politico riba orden di Merca
WASHINGTON / CARACAS - E presidente di Parlamento Venezolano a anuncia cu un “cantidad considerabel” di preso lo wordo libera pero no kier a bisa di ken tur ta trata. Segun e, e liberacion ta den marco di “un gesto”. E presidente ta e ruman di lider interino Delcy Rodríguez. Foro Penal, organisacion di derecho humano den Venezuela,a señala cu algun preso ta “na caminda pa su libertad”. Den esakinan mester tin tambe preso stranhero. Segun e organisacion, fin di aña pasa tabatin 863 preso político den pais. Alfredo Romero, direktor di Foro Penal, a bisa den un video cu nan tin confirmacion cu preso ta wordo libera for di dos prison famosamente duru manera El Helicoide y El Rodeo. E la pidi pueblo pa no hasi circulacion di informashon sin verifica, pasobra tin liberacion cu ta wordo nombra riba red pero ainda no a tuma lugar. Romero ta sigui pidi pa libera tur preso.
Pasaheronan canades reconsiderando biaha pa Islanan ABC
OTTAWA - Pasaheronan Canades cu tabata plania biahe cerca di Venezuela, ta sinti preocupacion despues di e atake di Merca riba Venezuela e wikend pasa. Asina un portal canades Norfolktoday Canada, ta bisa diahuebs.
Merca lo papia otro siman proximo cu Dinamarca riba Groenland
WASHINGTON - E ministro di Asuntu Exterior di Merca, Marco Rubio, ta bisa cu otro siman e lo reuní cu representante di Dinamarcak tocante Groenland, un isla strategico den zona Arctico.
Trump a anuncia entrega di miyones di bari di petroleo Venezolano pa Merca
WASHINGTON – Merca lo ricibi entre 30 y 50 miyon bari di petroleo cu ta sanciona for di Venezuela, presidente di Merca, Donald Trump a anunci, riba su plataforma social Truth Social. Trump a bisa cu e “autoridad interino” di Venezuela a acorda pa traha e transferencia di e petroleo aki pa e Estado Unidanan. E petroleo lo wordo bendi na e prijs di mercado y lo ta maneha pa Trump mes, pa sigura cu e ta beneficia tanto e pueblo di Venezuela y e pueblo di Merca. E noticia ta sigi un situacion controvercial despues cu e lider venezolano Nicolas Maduro a keda captura pa forsanan di Merca durante un operacion reciente.
Follow NoticiaCla
