- Eman no a logra convence partido ‘ainda’ pa Rene Herde reemplasa de Meza
- Arubaconus hieroglyphus ta un cocolishi endemico di lama
- Prijs di gasoline, diesel y kerosin ta subi basta diaranson awor
- Awe nochi Lotto ta laga bo bira miyonario di 1.5 miyon florin!
- E cantidad di morto pa motibo di inundacion di Texas a pasa 100
Ainda sin Messi, campeon mundial Argentina y Brasil tambe ta sigui perde
BOGOTA – E seleccion di futbol di Argentina a perde pa di dos biaha diamars anochi den e torneo di clasifikashon pa Mundial 2026. Na Colombia, e ekipo, sin e leciona Lionel Messi, a perde 2-1. E derrota, cu ta sigui diesdos victoria consecutivo, tin poco consecuencia.
E campeon mundial actual a sufri su ultimo derota na november ultimo, ora cu Uruguay a resulta demasiado fuerte. Despues di e tempu ei, tur partido tabata wordo gana atrobe, por ehempel, Chile a wordo venci 3-0 na cuminsamento di e siman aki.
BRAZIL
Paraguay a resulta mucho fuerte pa Brazil cu 1-0. E la marca e di cuatro derota den e ultimo cinco eliminatorio pa Mundial pa e brasileñonan.
Sin tira un tiro den e prome mitar, e brasileñonan a bai den e camber di bistimento atras 1-0. Diego Gomez, e compañero di Messi na Inter Miami, a habri e score na di binti minuut cu un bunita tiro di largo alcanse.
Comite Olimpico Arubano ta conoce un directiva nobo pa 2025-2028
ORANJESTAD - Diasabra ultimo durante asamblea general di Comite Olimpico Arubano a trata varios punto di agenda manera ta stipula den e statutonan di e asocacion. Entre otro a trata e actualisacion di e statutonan di COA cu a wordo aproba door di e federacionnan miembro y a ser manda pa Comite Olimpico Internacional pa asina percura cu ta cumpli cu tur rekisito na nivel internacional. Ademas di esaki, a trata e relato anual 2024, unda a presenta e relato financiero y e relato di actividad cual ta splica tur cos cu COA a experiencia aña pasa. Importante pa remarca cu e relato financiero a wordo presenta door di Zarina Trimon di BDO, cu ta e compania di contabilidad di contabilidad cu ta traha riba e relato financiero. Esaki tambe a haya un aprobacion unanimo di tur federacionnan miembro presente.
Seleccion di Pony 8U ta cla pa torneo na Merca
ORANJESTAD - Diamars y diaranson, 8 y 9 di juli, 2 team di seleccion di Pony 8U ta biaha pa Marion Illinois pa representa Aruba na USA den e torneo 2025 Pinto 8U International Baseball Classic. E 10 peloteronan di U8 di Team Oranjestad, di grandi te chikito, ta: Nathan Maduro, Osdin Croes, Gerzion Gonzalez, Liam Ruiz, Rushen Faria, Omaric Andrade, Zhaèr Thompson, Eduard Flanegin, Aiden Rodriguez, y Axl Wester. E manager di e ekipo aki Edgar Flanegin, hunto cu coachnan Jair Thompson, Arsan Wester, y Imro Gonzalez, lo lucha pa hiba nos muchanan te final. Nos ta desea e atletanan y coachnan hopi exito den exterior.
David Abdul di Aruba nombra como FIFA Regional Technical Consultant
ORANJESTAD - Arubaanse Voetbal Bond (AVB) a informa dialuna mainta cu señor David Abdul a wordo oficialmente nombra como Regional Technical Consultant di FIFA. Esaki sigur ta un logro grandi pa e mes, pero tambe pa Aruba henter, y ta mustra e progreso cu AVB y nos comunidad di futbol a logra huntu den desaroyo di futbol y tambe ta mustra e confiansa cu FIFA tin den e desaroyo di futbol aki na Aruba.
International Aruba Regatta 2025 ta cla pa ranca sali
ORANJESTAD - E Aruba International Regatta 2025, cual lo bira e di diescinco edicion, lo inicia riba 27 di juni 2025, cu registracion habri, musica, snacks, na e beach banda di Naptaly Henriquez Park, Oranjestad. E bar lo ta habri pa nabegadonan y spectadornan registra, topa cu otro, gara nan gear anto experiencia e ambiente unico di e comunidad di nabegacion.
Bach ta despedí, Coventry awor ta formalmente hefe di Comite Olimpico Internacional
LAUSANNE - Presidente nobo Kirsty Coventry a tuma formalmente e liderazgo di e Comite Olimpico Internacional (IOC) for di Thomas Bach. E ex miho landado di Zimbabwe di 41 aña a haña e yabi di e sede na Lausanne dor di e aleman di 71 aña durante un ceremonia. Representante di Aruba, Nicole Hoevertsz tambe tabata presente pa e ocasion aki.
Oklahoma City Thunder ta derota Indiana Pacers pa captura e título di NBA
OKLAHOMA CITY - Oklahoma City Thunder a gana e titulo di NBA pa di dos biaha den historia. Den e di sheter y decisivo duelo final, Indiana Pacers a wordo derota103-91. E ultimo biaha ku e hungadonan di basketball di Oklahoma tabata den e final tabata na 2012. E ultimo biaha cu nan a captura e título tabata na 1979, e tempo ei bou di e nomber Seattle SuperSonics. Na 2008, e team a muda pa Oklahoma.
Follow NoticiaCla
