- Corte Superior a pospone caso Sayuri pa haya mas informacion
- Aruba Bank Walk & Run 2025 a ranca sali cu participacion masal
- Delegacion di Parlamento di Aruba a reuni cu Home Land Security na Merca
- Frontier Airlines ta lansa buelonan nonstop entre Atlanta y Aruba
- Op=Op Voordeelshop Aruba a partner un biaha mas cu Aruba DOET
SpaceX a lansa 4 civil den espacio incluyendo biyonario Isaacman
CAPE CANAVERAL – Un mision espacial comercial cu lo culmina den e prome caminata espacial di un civil a cuminsa diamars. E raket cu cuater persona a bordo a lanta vuelo for di e base espacial di Cabo Canaveral na Florida. E vuelo yama Polaris Dawn. A bordo tin e empresario y multimillonario Jared Isaacman (41), kende ta paga pa e mision di e compania espacial SpaceX. Su compañeronan di biahe ta Kidd Poteet (50), Sarah Gillis (30) y Anna Menon (38). Mescos cu Isaacman, e tres otro civilnan abordo no ta astronautanan profeshonal. Medionan di comunicacion Mericano pues ta papia di un mision ‘atrevido’.
Despues di salida, e nave espacial ta drenta un orbita oval rond di Tera. Na su punto mas leu, e distancia pa Tera ta mas o menos 1.400 kilometer. E ultimo biaha cu hende a bai asina leu den espacio tabata riba e ultimo mishon riba luna na 1972. Ademas, hende muhe nunca no a bai asina leu den espacio.
DIESCINCO MINUUT DI CAMINATA DEN ESPACIO
Riba diahuebs, e di tres dia di e buelo, Isaacman y Gillis lo mester sali for di e nave y haci un caminata espacial, como e prome civilnan di tur tempo. Nan excurcion den e bashi no ta dura mas cu diescinco minuut. SpaceX a diseñá trahenan espacial special pa e proposito aki.
Desde e prome caminata espacial na 1965, sientos di hende a bandona nan nave espacial pa un caminata espacial, por ehempel na e stacion espasial ISS. Esakinan tur tabata astronauta profeshonal y entrena. Si ta keda na e compania espacial SpaceX, ciudadanonan tambe lo tin e oportunidad aki, e siguiente paso den lantamento di turismo espacial. Elon Musk, doño di SpaceX, kier bende buelonan turistico asina na hende comun y coriente cu ta dispuesto pa paga hopi placa pa un experiencia extraterrestre. SpaceX ta competi cu Blue Origin di Jeff Bezos y Virgin Galactic di Richard Branson.
Venezuela ta suspende buelonan for di Colombia te proximo aviso
CARACAS - Buelonan di Colombia pa Venezuela ta suspendi te proximo aviso oficial despues di e descubrimento di un complot terorista nobo di oposicion Venezolano cu e meta pa inflama e pais cu violencia durante e eleccionnan di dia 25 di mei, asina Diosdado Cabello, vicepresidente di e sector pa politica, seguridad ciudadano y paz a anuncia.
Trump despues di yamada di telefon cu Putin: Ucrania y Rusia lo negosha paro di fuego
WASHINGTON - Segun presidente di Merca Trump, Rusia y Ucrania lo negocia inmediatamente un paro di fuego. El a bisa esaki despues di un combersacion telefonico cu presidente Ruso Putin. Ucrania no a confirma esaki.
Papa Leo XIV ta tene un audiencia priva cu vice presidente di Merca
CIUDAD VATICANO – Vicepresidente di Merca, James David (J.D.) Vance y Secretario di Estado Marco Rubio, kendenan a asisti na e misa di inauguracion di su pontificado diadomingo a tene audiencia priva cu Papa Leo XIV. Despues di e audiencia priva cu e Papa naci na Merca, Sr. Vance a reuni cu Arzobispo Paul Richard Gallagher, Secretario pa Relacionnan cu Estadonan y Organisacionnan Internacional. Durante e combersacionnan “cordial” den e Secretaria di Estado, Sr. Vance y Arzobispo Gallagher a reitera e bon relacionnan bilateral entre Santa Sede y Merca, segun e Oficina di Prensa di Santa Sede. Tambe nan a papia tocante e colaboracion entre Iglesia y e gobierno di Merca, hunto cu varios asunto “di relevancia special pa bida eclecial y libertad religioso.”
Ex presidente mericano Biden diagnostica cu forma agresivo di cancer di prostaat
WASHINGTON - Ex presidente di Merca Joe Biden (82) a wordo diagnostica cu un forma agregiso di cancer di prostaat. Esey a wordo anuncia diadomingo atardi. Tin metástasis na e weso, pero door cu e cancer ta parce di ta sensitivo na hormona, tratamento efectivo ta bira posibel. Esei ta un señal alentador
Cantante Chris Brown deteni na Inglatera pa maltrato na 2023
MANCHESTER - E cantante mericano Chris Brown a keda deteni na Manchester riba sospecho di maltrato agrava na 2023, despues di supuestamente a dal un hende cu un boter den un club nocturno di London. E artista di 36 aña di edat a keda deteni na su hotel ayera mainta alrededor di 2’or. El a yega Reino Uni e atardi anterior cu jet priva. Brown ta keda den detencion y mester presenta den Corte mas laat awe, BBC ta informa.
Parlatino ta atende cambionan den educacion, salud y demografico den e region
PANAMA CITY - Comisionan di Parlatino ta atendendiendo cambionan den enseñansa, salud y demografico den un reunion cu a tuma luga na Panama. E siman aki. Parlamentarionan di Aruba tambe ta tumando parti na e reunion aki. E Comisionnan di Educacion y Salud di Parlamento Latino Americano y Caribense (Parlatino) a reuni na Panama pa atende temanan di prioridad pa e region, manera e proyecto di Scolnan Creativo di UNESCO, e actualisacion di e Plan di Educacion pa Desaroyo y Integracion pa Latino America y Caribe, envehecimento di poblacion, y e rol di parlamentonan den integracion regional.
Follow NoticiaCla
