Aruba ta perde su prome wega contra Panama den LatAm Junior

AGUADULCE – E ekipo di junior league di Aruba a perde su prome wega den e di 16 Serie Latino Americano Junior, contra Panama cu score di 9-1 diasabra, tumando lugar den e provincia di Coclé.

RESULTADO

Jean Mark Sánchez tabata e pitcher ganado cu a bay 5.1 inning, mientras cu e pitcher perdedo a resulta Ardwin Tromp. E wega a tuma lugar den e stadion Remón Cantera . E miho bateadornan pa Panama a resulta Jean Mark Sánchez, cu a bati di 4-3 y José González, cu a bati di 3-2. Pa e ekipo di Aruba esnan cu a domina tabata Taring Polinia, cu a bati di 1-1 y Mariano Decena, di 2-1. A hunga tambe Colombia contra Guatemala.

SCHEDULE PA DIADOMINGO

E weganan diadomingo tabata México-Colombia y Guatemala Panamá A, den e grupo A; mientras cu den e grupo B ta hunga Panamá B-Nicaragua, Virgin Island-Costa Rica y Corsou-Venezuela. Power 101.7 FM di Aruba ta transmiti e weganan di Aruba.