Arends: Ningun momento RAIZ a kibra programa di gobernacion

ORANJESTAD – Ningun momento RAIZ a kibra e programa di gobernacion segun lider di e partido Ursell Arends. Asina e la declara na salida di su audiencia cu Gobernador di Aruba dialuna atardi. Segun Arends, tur momento tabata cla pa vota pa un persona di MEP haya e presidencia, manera cu e programa di gobernacion ta stipula. Pero no pa e persona. Ademas, segun Arends, ningun momento a haya e nomber manera solicita sino te dialuna mainta. A bisa tambe cu si no haya un otro nomber, lo sostene nan colega Kamperveen pa e funcion. 

COMPLOT

Tambe Arends a desmenti cu tabatin un complot cu oposicion pa baha Vrolijk, sino simplemente for di un anochi prome a bisa publicamente kico nan intencion tabata. Y no ta asina cu tabatin palabracion cu oposicion pa vota contra Vrolijk.  

ATAKE POLITICO

E la nota tambe e cantidad di atake cu a bin politicamente di nan awor ‘ex’partner riba rednan social, y cu esaki ta bisa hopi di e ministernan cu a haci tal. A sigura cu contrario na MEP, RAIZ nunca a y lo bay den atake baho y tampoco personal. Potret cortesia 24ora.com