Wever-Croes: RAIZ a busca aliansa cu oposicion y kibra acuerdo di gobernacion!

ORANJESTAD – E hecho cu partido RAIZ a busca aliansa cu oposicion dialuna mainta pa cambia presidente di Parlamento, a pone cu gobierno a cay. Asina prome minister Evelyn Wever-Croes a confirma dialuna despues di a entrega retiro di su gabinete na gobernador Boekhoudt. Cu e acto aki, segun Wever-Croes, RAIZ a kibra e acuerdo di gobernacion. “Y sin acuerdo bo no por tin un gobierno” Wever-Croes a sigui bisa. Segun e mandatario, no por ta asina cu pasobra un parlamentario ta bisa di no ta gusta un presidente di parlamento, of otro dia no ta gusta un lider di fraccion di MEP, y asina no por goberna un pais. “Stabilidad politico ta algo hopi importante pa e pais aki y no por wordo determina pa e pensamento personal di un solo hende”. E acuerdo di gobernacion ta algo hopi fundamental y aki nos ta papiando di un politieke vertrouwens breuk’.

ELECCION NOBO 

Despues di delibera cu gobernadora di Aruba, a stipula e fecha pa eleccion nobo, como 6 di December 2024, mientras cu e fecha pa entrega lista politico, lo ta 18 di oktober proximo. 

DESAPUNTAComo gobernante y persona, e mandatario a bisa di ta desapunta di e situacion, pasobra e ta bisa cu un gobierno cu a logra asina hopi, durante crisis y despues di crisis, su periodo ta wordo corta. “Mi por imaginami cu e pueblo tambe ta decepciona. Pero mi kier sigura tur ciudadano di nos pais, cu den ami y mi coleganan aki nan, como gobernante y politico, nos lo sigui traha pa mehora e calidad di bida di tur nos ciudadanonan”, e mandatario a bisa. Potret cortesia 24ora.com