Dangui Oduber: Kibra acuerdo di gobernacion y brasa corrupcion ta algo condenabel!

ORANJESTAD – Minister Dangui Oduber (MEP) no a keda nada contento cu e resultado di votacion den Parlamento awe pa presidencia di Parlamento y a vocifera esaki mesora riba su pagina di Facebook. “Awe un biaha mas Aruba por tawata testigo di un plataforma cu NO ta PARA pa biniestar general di pais pero pa probecho y ego personal!”, Oduber a cuminsa na bisa.” Kibra acuerdo di gobernacion y brasa corrupcion ta algo condenabel.

Integridad ta lew foi cas!” e mandatario a continua bisando y ta finalisa su pensamento cu “Nos ta lamenta e situacion cu a surgi”. No ta conoci si esaki ta e pensamento di henter e partido di coalision MEP y cu si esaki por tin consecuencia toch pa e futuro di e coalicion MEP-RAIZ, mirando e opinion fuerte cu Oduber a lansa mesora despues di e votamento awe mainta.