Veldkamp: Ayudo na lider di oposicion Venezuela ta excepcional

DEN HAAG - E hecho cu Hulanda a brinda refugio na e lider di oposicion Venezolano Edmundo González Urrutia ta excepcional, segun minister di Relacionnan Exterior Caspar Veldkamp. Ta raro cu Hulanda ta mete den e politica di otro pais di e forma aki. Den e caso aki, e hecho cu Venezuela ta bisiña di Hulanda, via e islanan Aruba, Bonaire y Curaçao, ta hunga un rol, segun e minister.

Na fin di juli, net despues di e eleccionnan na Venezuela, Veldkamp a ricibi un “peticion urgente” di González pa refugio na e embahada Hulandes den e capital Caracas. “Den e caso special aki mi tabata ke dun’é.” González tabatin miedo di persecusion politico. E presidente actual Maduro a gana e eleccionnan, segun e conseho electoral di Venezuela. No a entrega ningun prueba pa esaki, mientras cu oposicion si tin prueba cu enberdad Maduro a perde. Gobiernonan occidental no ta reconoce e resultadonan di e eleccionnan.

Protestanan a surgi na Venezuela contra Maduro, kende ta trata di keda na poder. Outoridatnan a emití òrdu di aresto pa polítikonan di oposishon, inkluyendo González. Veldkamp ta indica cu e no sa dikon e lider di oposicion a tuma contacto specificamente cu Hulanda. Hulanda si tin un “actitud activo pa cu e proceso democratico”, segun e minister. Y door di e islanan, nos reino tambe ta un bisiña di Venezuela, cual Veldkamp “sigur a tene cuenta cune”.

ARTE VENEZOLANO

“E islanan Aruba, Boneiro y Curaçao ta hopi cerca di e costa di Venezuela. Nan tin añanan ta sufriendo di e situacion na Venezuela. Pa motibo di e represion, door di e regimen, pero tambe pa motibo di e politica economico hopi malo.” Veldkamp ya caba tabatin contacto cu Prome Ministernan di Aruba y Curaçao na juli. “Nan ta carga e desicion aki.”

Gonzalez awor a yega Spaña, unda e lo haya asilo politico. Ora González a indica cu e kier bai, Veldkamp a drenta den discusionnan cune. “Mi tabata kier sa kco tabata su consideracionnan,” e minister a bisa. “Gonzalez en realidad ta kere cu e por contribui tambe na e oposicion for di exterior.”

Veldkamp a discuti e peticion di Gonzalez na fin di juli “den un circulo chikito” den e gabinete. Ora cu e politico Venezolano tabata na caminda pa Spaña, Veldkamp solamente por a anuncia cu González tabata den e residencia Hulandes pa mas di un luna. Desde e tempo ey e no tabatin ningun contacto cu autoridadnan Venezolano at all.