Raymond Kamperveen (RAIZ) eligi como presidente nobo di Parlamento

ORANJESTAD – Parlamentario Raymond Kamperveen (RAIZ) a keda eligi dialuna mainta como e presidente nobo di Parlamento di Aruba cu 11 voto pro y 10 contra. E otro candidato postula tabata Edgard Vrolijk mes di partido MEP, pero e no a logra haya e sosten mayoritario y a keda cortico cu 10 voto. Vrolijk mesora a acepta e resultado y a admiti cu Parlamento tin un presidente nobo. Despues a sigui pa votacion di e vice presidente y e miembronan extra en caso cu e presidente y vice presidente no por ta presente. E di dos nomber pa presidente di Parlamento a keda eligi Hendrik Tevreden cu 12 voto contra Raymond Kamperveen cu 9 voto. 

VICE PRESIDENTE PARLAMENTO

Como Vice Presidente di Parlamento, a keda eligi Shailiny Tromp-Lee cu 12 voto pro y 9 contra. E contra candidato tabata Misha Raymond cu a haya 9 voto. 

DI DOS NOMBER

Pa loke ta e nombernan pa e di dos Presidente y Vice Presidente, e resultado tabata Hendrik Tevreden cu 12 voto contra 9 (Kamperveen) pa presidente, y e di dos nomber pa vice presidente a keda eligi Misha Raymond cu 11 voto contra 9 (Hendrik Tevreden), y mester menciona cu 1 tabata blanco. 

Noticia den proceso.