Gobernador a nombra Mercelina formado di gobierno nobo pa St. Maarten

Posted on 09/9/2024 9:20 am AST | Updated on 09/9/2024 9:44 am AST

W’STAD/PHILIPSBURG - Gobernadó di St. Maarten, Ajamu Baly a nombra den fin di siman tras di lomba lider polítiko di partido URSM i alabes promé minister demishonario, Luc Mercelina komo formadó. Esaki despues di a konsultá ku tur 7 partido ku a saka asiento durante elekshon di 19 di ougùstùs último i tambe despues di a tuma nota ku 4 partido, esta URSM, DP, PFP i SAM a firma dia 22 di ougùstùs un akuerdo di disponibilidat pa forma un gobièrnu nobo.

E 4 partidonan aki ta representá 9 di e total 15 asientonan den parlamento di St. Maarten. Durante e elekshon URSM i DP a logra 3 asiento, PFP asiento i SAM 1 asiento. Partidonan National Alliance ku asiento, UP ku 2 asiento i NOW ku 1 asiento no ta forma parti di e proseso di formashon i lo tuma asiento den bankinan di oposishon.

Mercelina a haña e tarea pa forma un gobièrnu ku mester konta ku sosten polítiko mayoritario di durashon largu i pa alabes hinka un programa di gobernashon den otro ku ta kumpli ku puntonan ku e partidonan polítiko a trese dilanti den nan konsulta ku gobernadó. Ta trata di puntonan manera garantia di suministro di koriente stabil pa St. Maarten pa medio di e kompania di produkshon i distribushon di koriente, GEBE.

Tambe mester garantisá bon maneho finansiero di pais i entrega na tempu di presupuesto di pais inkluso proposishonnan pa restrukturá e sistema di impuesto di St. Maarten. Otro puntonan ku gobernadó ta menshoná ta pa alsa kalidat di enseñansa, kombatí pobresa i hisa poder di kompra.

Mehorashon di situashon ambiental i pasonan konkreto pa adaptá na kambio di klima ta mas di e puntonan ku gobernadó ta menshoná den su tarea pa formadó. Reforma di e proseso elektoral pa krea mas stabilidat polítiko tambe ta un tema ku Baly ta menshoná den su tarea pa formadó.

Introdukshon di un seguro di malesa general, invershon den ekonomia, infrastruktura i relashon ku Hulanda i alabes implementashon di e rekomendashonnan menshoná den e pakete di pais tambe ta aspektonan ku gobernadó ke mira bèk den e programa di gobernashon ku ta e base pa e maneho di pais pa próksimo 4 aña.

Finalmente gobernadó a supliká formadó Mercelina pa presentá ku legislashon nobo pa e proseso di screening di kandidatonan pa bira minister konforme konsehonan resien di Hunta di Konsulta (“Raad van Advies”) i e Kamber di Integridat di St. Maarten. Mercelina a tuma e tarea na konsiderashon i lo informá gobernadó tur siman di progreso di e proseso di formashon andando.

Tambe e lo mester kumpli ku reglanan di screening di kandidatonan pa minister. Gobernadó ta spera un relato final di Mercelina pa mas tardá 5 novèmber awor. NOTA: Texto ta scirbi den Papiamento fonetico di Corsou.

Seis prezo di Sint Maarten temporalmente traslada pa Boneiro
KRALENDIJK – Recientemente a traslada seis prezo di e prizon Point Blanche na Sint Maarten pa Boneiro. E movementu ta sigui despues di un candela recien na e prizon dia 14 di mei ultimo y tencionnan pa motibo di derechonan di detencion limita y condicionnan malo, incluyendo scarsedad di personal y falta di facilidadnan. Abogadonan ta keha tocante e falta di consulta durante e traspasonan y e confidencialidad reduci di comunicacionnan. Autoridadnan ta enfatisa cu e traspaso ta temporal. Unabes cu e situacion riba Sint Maarten ta bou di control, e prezonan lo regresa. Ta bon pa menciona cu Aruba tambe a manda refuerso pa e isla ora cu e problema despues di candela a surgi.
Mas Region
Lesa Mas
Hefe di polis di St Maarten scogi como prome Vice Presidente di ACCP
GEORGETOWN/PHILIPSBURG – Durante e di 39 Reunion Anual di e Association of Caribbean Commissioners of Police (Asociacion di Hefenan di Polis Caribense (ACCP), cu a tuma luga di 12 pa 16 di Mei 2025 na Arthur Chung Conference Centre na Georgetown, Guyana, Comisario Carl John, Hefe di Cuerpo Policial di Sint Maarten y Presidente di e Colegio di Hefenan di Polis di e parti Caribense di Reino Hulandes, a keda scogi como prome Vice-presidente di ACCP.
Mas Region
Lesa Mas
Bon gobernacion y empresario lokal ta central durante bishita di Szabó na Boneiro
KRALENDIJK – Secretario di Estado Zsolt Szabó (Digitalisacion y Relacionnan den Reino) ta na Boneiro di 25 pa 28 di mei. Ademas di e discucionnan cu Conseho Ehecutivo, Gobernador y Representante Nacional Interino, Sr. Szabó lo bishitavarios compania y organisacion social. E prioridadnan clave di e Secretario di Estado ta autosuficiencia economico, bon gobernacion y finansa solido. Tur e topiconan aki ta wordo discuti durante e combersacionnan.
Mas Region
Lesa Mas
Reunion na Antigua a confirma cu turismo pa Caribe ta den bahada pa cuartal 3 di 2025
ANTIGUA – Durante e reunionan di turismo actual na Antigua, ATA a confirma cu turismo pa Caribe ta den bahada pa cuartal 3 di 2025. Tambe por remarca cu e reunionnan ta refleha un Caribe den bahada pa loke ta turismo Mericano den cuartal 3 2025. Un Aruba cu si ta mustra stabil por lo general, pero cu necesidad di pusha extra tambe pa cu cuartal 3 2025. Preocupacionnan pa cu e situacion na Merca a wordo subraya pero di otro banda tambe e resiliencia di e mundo di biahe y turismo y di Aruba, cu ta sigui ta parti di e top 5 di destinacionnan mas fuerte den Caribe.
Mas Region
Lesa Mas
Aruba ta presenta su vision pa sector agricola modern durante DCALFA na Boneiro awe
KRALENDIJK - Durante Dutch Caribbean Agriculture, Livestock, and Fisheries Alliance (DCALFA), cu ta inicia awe na Boneiro, minister Geoffrey Wever ta representa Aruba. Minister Wever ta presente hunto cu Sra. Nathalie Maduro di Santa Rosa y Sra. Maria Dijkhoff-Pita di Departamento di Asunto Economico, Comercio y Industria (DAECI). DCALFA ta uni representante di tur isla den Caribe Hulandes y Hulanda mes, pa fortifica cooperacion den agricultura, cria di bestia y pesca — e base pa seguridad alimenticio y desaroyo economico duradero den region. Aruba lo presenta su vision pa un sector agricola moderno, innovativo y inclusivo, cu infrastructura clave manera Santa Rosa, e Agri-Innovation Park y e futuro Center of Excellence.
Mas Region
Lesa Mas
A re-establece orden den prizon na St Maarten despues di candela
PHILIPSURG - Ayera tardi, algu despues di 5or prizòn Point Blanche na St. Maarten a bati alarma pa kandela. Un parti di e prizòn a keda sendé na kandela. E kandela a bira unu grandi i ta basta huma pretu tabata sali for di e instituto penitensiaro.
Mas Region
Lesa Mas