Consulado General di Merca na Corsou a anuncia Consul nobo
WILLEMSTAD – Consulado General di Merca na Curacao ta contento di anuncia yegada di Sr. John McNamara como Consul General di Merca na Curacao y Hefe di Mision na Aruba, Bonaire, Curacao, Saba, Sint Eustatius, y Sint Maarten.
Sr. McNamara ta un Oficial Senior di Servicio Exterior di e Departamento di Estado di Merca. El a asumí su tareanan como Hefe di Mishon y Consul General di Merca na su yegada na Corsou dia 4 di september 2024.
Sr. McNamara tabata mas recientemente e Hefe Suplente di Mishon y Encargo di Asuntonan di e Embahada di Merca na Lima, Peru. Otro giranan den exterior a incluí na e Embahada di Merca na Bogota, Colombia, caminda Sr. McNamara a sirbi como Consehero Político durante e ultimo dos añanan di e negosiacion di pas di gobierno di Colombia cu e Forsanan Arma Revolushonario di Colombia (FARC). Tambe el a sirbi como un Consehero Provincial na Babilonia, Irak, y despues na e Embahada di Merca na Bagdad. Den dos gira na Afganistan, el a sirbi den e Team di Reconstrukshon Provincial di Kandahar y na e Embahada di Merka na Kabul.
Durante tareanan na Washington, DC, Sr. McNamara a duna les na e Universidad di Defensa Nacihonal, a traha dos biaha den e Oficina di Asuntonan Mericano di e Departamento di Estado, y tabata e Oficial di Mesa Senior di e Departamento pa Venezuela.
Sr. McNamara a obtene su titulo di Bachelor of Science for di e Acdemia Militar di Merca na West Point y su titulo di Master of Arts for di e Colegio di Mando di Ehercito di Merca y General Staff. E ta dominá e idioma di Spaño.
Tormenta Helene bayendo Florida, ta yegado forza di Horcan
MIAMI – Awe mainta 7’or e centro di Tormenta Tropical Helene tabata situa cerca di latitud 21.1 Nort, longitud 86.2 West. Helene ta moviendo den direccion di nortwest cerca di 9 mph (15 km/h). E movision aki mester sigui te awe mainta, sigui pa un general movesion nort cuminsando mas laat awe y sigui te cu diabierna. Riba e pista di pronostico, e centro di Helene lo pasa cerca di e costa nortoost di e península di Yucatan awe mainta, move atraves di e parti oost di Golfo di Mexico riba mas laat awe y diahuebs, y yega costa di Big Bend di Florida diahuebs atardi.
Greenpeace por sigui cu caso di clima na Boneiro contra estado Hulandes
KRALENDIJK - Greenpeace por sigui cu e demanda contra gobierno Hulandes, den cua e organisashon ambiental ta exigí pa estado Hulandes haci mas pa proteha Boneiro contra cambio di clima. Greenpeace tambe kier pa Hulanda traha riba reduccion di emision di gasnan di efecto invernadero mas lihe.
Parlamento di St. Maarten ta sinta 20 september awor
W’STAD/PHILIPSBURG - Parlamento di St. Maarten den un reunion di djaluna 16 sèptèmber a verifiká kredensial di miembronan nobo ku lo tuma asiento den parlamento. Esaki a base di elekshon parlamentario ku a tuma lugá dia 19 ougùstùs último. E parlamento nobo di St. Maarten lo sinta dia 20 sèptèmber awor despues ku nan kaba di hura.
Gobernador a nombra Mercelina formado di gobierno nobo pa St. Maarten
W’STAD/PHILIPSBURG - Gobernadó di St. Maarten, Ajamu Baly a nombra den fin di siman tras di lomba lider polítiko di partido URSM i alabes promé minister demishonario, Luc Mercelina komo formadó. Esaki despues di a konsultá ku tur 7 partido ku a saka asiento durante elekshon di 19 di ougùstùs último i tambe despues di a tuma nota ku 4 partido, esta URSM, DP, PFP i SAM a firma dia 22 di ougùstùs un akuerdo di disponibilidat pa forma un gobièrnu nobo.
Conseho Insular di Bonaire a huramenta e Arubiano Jacqueline Harewood como e griffier nobo
KRALENDIJK – Diaranson atardi, Conseho Insular di Bonaire a huramenta e Arubiano Jacqueline Harewood como e proximo griffier pa e isla. Harewood ta cuminsa asina un carera nobo te na Bonaire, despues cu na Aruba e la fungi hopi aña na DIMAS como un specialista riba e tereno di asilo politico.
Carnival Vista ta cancela bishita pa Aruba na september debi na problema cu propulsion
MIAMI - Di acuerdo cu un declarashon manda pa e huespednan reserva, e barco mester hasi reparacion y lo no por nabega for di Port Canaveral dia 7 di september 2024. E tabata poni pa yega Aruba dia 10 di September proximo, hunto cu e otro barco Carnival Celebrity y Celebrity Beyond. E barco ta carga maximo 5 mil turista.
Follow NoticiaCla
