Polis na chauffeur di hit & run riba peaton di 87 aña: Entrega bo mes!

ORANJESTAD - Diahuebs anochi pa 8:40 central di polis a wordo notifica cu un auto lo mester a alcansa un peaton na Bernhardstraat na altura di Arena’s Sport Bar. Central di Polis a despacha un patruya di polis como tambe ta pone ambulance na altura di e sucedido.  Na yega di e patruya a bin encontra cu un hende homber di 87 aña riba caminda. E prome informa ta cu un auto color preto lo a alcans’e y a bandona e sitio. Ambulance a yega na e sitio y a duna e victima di 87 aña asistencia medico y a stabilise pa asina transporte cu maximo urgencia pa hospital.  Specialista di trafico a presenta na e sitio pa asina haci nan investigacion. 

CONDENA

Cuerpo Policial ta condena rotundamente e hecho aki, na unda ta alcansa un meneer di 87 aña y lage attas sin brinde yudansa. 

ENTREGA 

Ta haci un apelacion na e chauffeur di e auto cu a “hit & run” pa entrega su mes door di yama central di polis na e nr 100. 

Cuerpo Policial ta pidi esun cu a wak algo of sa algo pa manda un whatsapp na 5975194 cu ta e linea di departamento di trafico. 

Pronto recuperacion na e victima.