Harris y Trump ta acepta prome debate presidencial cu reglanan estricto

WASHINGTON - E campañanan di e candidata democrata pa presidencia di Merca, Kamala Harris, y su rival republicano, Donald Trump, a acepta diaranson ultimo, e reglanan proponi pa e canal ABC pa nan debate di dia 10 di september, incluyendo cu nan microfono ta silencia pafo di nan turno pa papia.

Den un declaracion cu e reglanan, ABC ta indica cu e debate, programa pa 9:00 p.m. ET y cu por wordo mira riba ABC News Live, Disney+ i Hulu, lo dura 90 minuut cu dos break comercial y lo wordo modera pa periodistanan David Muir y Linsey Davis.

E prome debate entre e candidatonan lo sigui despues di superae obstaculo di e microfonnan, ya cu e campaña di Harris a defende cu nan ta keda activa na tur momento pa tin e derecho di contesta inmediato, loke a genera critica di e campaña di Trump.

Ambos lo enfrenta otro den e eleccionnan presidencial dia 5 di November; E ultimo encuestanan ta mustra un tendencia leve pa Harris.