Mucha muhe (14) gravemente herida despues di atake di rottweiler na Hulanda

VLODROP - Un mucha muher di 14 aña a keda seriamente herida despues di a wordo ataca pa un Rottweiler e siman aki. E incidente a sosode den e pueblo di Limburg, Vlodrop. Mesora a hiba e mucha muhe hospital na Maastricht y a pone e cacho drumi. De Limburger ta raporta esaki. Segun e welo di e mucha muher mordi, tabatin decenas di herida di mordi. “E ciruhano den hospital di Maastricht cu a yud’é a stòp di conta e cantidad di heridanan di mordemento cu e tabatin, na cincuenta. E tabata realmente ranca na pida pida,” el a bisa e corant.

Pa prevení e tipo di atakenan teribel aki, anteriormente tabatin yamadanan pa un prohibicion di crio pa cierto rasanan di cacho.  

E animal lo a cuminsa e atake diripiente. Ta ser bisa cu e mucha muhe a cera su mes den e kashi pa scapa di e Rottweiler mordedor. E mucha lo mester recupera den hospital por lo pronto. Debí na e heridanan di mordementu na su kcara, pianan y brasanan, cirugia plastico lo ta necesario, su welo ta bisa.

Segun e polisnan, no ta cla ainda si a sosode un delito penal. E incidente ta wordo investiga y si acusacionnan pena contra e doño di e cacho ta posibel.