- AWSS: Medio mei por sinti e efecto nan positivo di e cambio na Bubali su planta
- Caso di Mike de Meza contra DIMP ta fin di mei awor!
- Na Corsou, Gobernador a huramenta Parlamento nobo
- Premier Schoof impresiona cu empresario Kock na Aruba
- Eman: Autosuficiencia y resiliencia Arubano a sobresali durante bishita di premier Dick Schoof
Conseho Insular di Bonaire a huramenta e Arubiano Jacqueline Harewood como e griffier nobo
KRALENDIJK – Diaranson atardi, Conseho Insular di Bonaire a huramenta e Arubiano Jacqueline Harewood como e proximo griffier pa e isla. Harewood ta cuminsa asina un carera nobo te na Bonaire, despues cu na Aruba e la fungi hopi aña na DIMAS como un specialista riba e tereno di asilo politico.
APROBA NA MEI\
Tabata na luna di mei cu Noticiacla a presenta e noticia como primicia y exclusivo, cu Conseho Insular di Bonaire e tempo ey a aproba nombramento di Harewood como griffier nobo.
CARERA STROBA NA ARUBA
Harewood, cu te cu October 2023 tabata traha na Dimas encarga cu e proceso di e.o. asilo politico. Lamentablemente pa Harewood, su ultimo añanan na DIMAS no tabata nada agradable p’e, unda cu tras di otro, e la experencia loke hopi a considera como persecucion politico, cu intencion pa hal’e di e funcion y despues tabatin loke tabata mustra un campaña mediatico pa daña su reputacion. E la sa di surpasa tur esaki sinembargo, y na final e la dicidi di bay cu Vut aña pasa na October. Esaki ta bira asina otro persona cu experticio importante cu Aruba ta perde, debi na circumstancianan cu no mester tey awendia den nos comunidad.
DIMAS
Pa loke ta su trayectoria na Dimas, e la traha di 1 di juli 2006 te cu 1 oktober 2023 como e.o. Beleidsmedewerker y desde aña 2019 tambe a fungi como e coordinador di e Seccion di Peticion pa Proteccion segun Tratado.
BONAIRE
Tabata despues di un trayecto exitoso pa yena e posicion di griffier Insular, e comision fiho di asuntunan di Traboo a propone Harewood como griffier insular nobo di Boneiru for di 1 di sèptèmber 2024. Esaki a keda sostene durante reunion di Conseho Insular di 7 di mei 2024. E comision di asuntunan di trabou a conseha y a ricibi sosten pa acorda prolongacion temporal di e griffier interino aktual te cu 31 di december 2024. Esaki, considerando e necesidad pa transferí trabou, y tambe pa duna sosten na diferente proyecto. Sra. Mathilde Koetsier a keda nombra como griffier suplente for di 7 di mei te cu 1 di october 2024, pa asina reforsa e team di griffier. Potretnan cortesia youtube channel Conseho Insular Bonaire.
Venezuela a exporta 180 ton di producto nacional pa Aruba, Boneiro y Corsou
LA VELA DE CORO - Venezuela a exporta 180 ton di producto nacional pa Aruba, Boneiro y Corsou. “E 160 ton di productonan a sali for di Venezuela pa Aruba, mientras cu 20 ton a bay Curaçao”, asina Juan Gotopo, vice presidente di Camara di Comercio a splica. Gotopo, a informa cu na april ultimo, e pais a exporta 180 ton di producto pa e islanan Caribense di Aruba, Bonaire, y Curaçao. Den e sentido aki, el a destaca riba su cuentanan di medionan social cu esaki ta representa un aumento di 2.5% compara cu april 2024. El a splica cu 160 ton di producto a sali for di Venezuela pa Aruba, mientras cu 20 ton a bay Curaçao. Gotopo a declara cu entre januari y april, e pais a exporta mas o menos 1.075 ton di producto, cu 75.34% di e mercancia ta bay pa Aruba y 24.65% pa Curaçao. Tambe el a señala cu, di mei 2022 te cu april 2025, e pais a exporta 7.107 ton di producto pa e islanan ey, cu 5.087 ton ta bayendo pa Curaçao y 2.020 ton pa Aruba. Venezuela ta exporta productonan manera keshi, fruta, berdura, mata, fertilisante, potchi di flor, carbon, y material di construccion, entre otro, pa e islanan Caribense anteriormente menciona.
Top chef Jonnie Boer (60) a fayece na Boneiro
KRALENDIJK – E top chef hulandes Jonnie Boer a fayece na Boneiru diaranson. E chef di 60 aña a sucumbi na un embolia pulmonar diarason. Su morto a keda confirma na De Telegraaf pa un bosero na nomber di su casá Thérèse.
Gabinete Hulandes no ta mira aumento di menasa militar pa Boneiro for di Venezuela
DEN HAAG – Minister di Defensa Ruben Brekelmans a declara cu actualmente no tin aumento di menasa militar pa Boneiro for di Venezuela. E contesta ta sigui preguntanan parlamentario di e parlamentarionan di D66 Van der Werf, Paternotte y Bamenga, kendenan a expresa nan preocupacionnan despues di declaracionnan haci pa gobernador John Soliano tocante e situacion den e pais bisiña.
Mericano ta secuestra avion di Belize, wordo tira mata pa pasahero arma
BELIZE - Por lo menos tres pasahero a resulta herida den un secuestro di avion na Belizen recientemente. Un mericano arma cu un cuchiu ta ser bisa di a purba di tuma control di un avion Tropic Air Cessna 208. Segun polis, e mes a muri ora un pasahero arma a cuminsa tira.
Aruba ta logra titulo maximo di ‘Miss Teen Universe 2025'
PUNTA CANA – Aruba su representante pa e certamen Miss Teen Universe 2025,Guizza Maria Steenvoorde a logra e titulo maximo diadomingo anochi na Punta Cana, Republica Dominicana. Den practicamente tur e sessionan di pronostico, Aruba tabata figura den e favoritonan. Rapidamente, a nota cu e pronosticonan tabata favorece y bira realidad. Aruba y Corsou a drenta den e top 16, sigui pa e top 10, y finalmente e top 6. Notable ta cu Corsou tambe a logra avansa hunto cu Aruba den e parti di finalista. Finalmente, a scohe Mexico como e Preteen Universe 2025, sigui pa e Petite Universe 2025 cu tabata Panama, pa Aruba mes bay cu e titulo maximo, esta Miss Teen Universe 2025. Pabien na Guizza y Aruba pa e logro grandi aki.
Mariniernan di Defensa region Caribe ta train hunto cu Mariniernan Mericano na North Carolina
NORTH CAROLINA – Marinirnan di e Skuadron di Marina di Karibe di Aruba (MSC), huntu ku e destakamentu di Marinirnan di Sint Maarten ademas di gruponan di boto di Aruba i Kòrsou, ultimo tres simannan a trein huntu ku Marinirnan Merikano prosedente di “II Marine Expeditionary Force” durante e ehersisio “Caribbean Urban Warrior”. E ehersisio a tuma lugá na Camp Lejeune, e base di Kuerpo di Marina di Estados Unidos (USMC), aya na North Carolina.
Follow NoticiaCla
