Kock: No por retira hende basa riba edad di pensioen sin mas

ORANJESTAD – Un trahado cu a inicia su labornan prome cu 10 d juli 1992 no por aplica e ‘regla’ di no mester bay cas pasobra a cumpli cu edad di pensioen. Esaki a keda determina den un otro caso recientemente considera como un ‘test case’ entre FCCA y un trahado di dje. E trahado aki a purba aplica un veredicto di e caso ‘Aparicio vs Balashi’ ,-unda cu e trahado ey a logra convence corte cu no mester baha cu pensioen djis pasobra e la yega edad di pensioen-, pero ‘no a logra’. E fli ‘inicialmente’ no a subi’ y hues a motiva esaki tambe pakico.

CASO APARICIO

E caso recien, trata pa abogado David Kock, -defendiendo den e caso aki FCCA contra e trahado en cuestion-, ta pues pa tambe aplica e ley menciona. E caso di Balashi vs Aparicio ta data di 29 di october 2010, unda cu Hoge Raad enberdad a determina cu basa riba un ley aplicabel unicamente na Aruba (di 10 di juli 1992) ta ‘prohibi un contract pa tempo defini’. Ora cu e persona aki, -esta Aparicio-, a wordo retira basa riba edad di pension, el a aplica e ley aki. Segun Aparicio su pensamento, stipula un contracto cu terminacion basa riba edad di pensioen, ta cay bou di e regla di ‘un tempo defini’. Pues bo sa caba ki tempo e ta bay vence. Hoge Raad a sigui esaki tambe, y a duna Aparicio gana. E la crea e precedente cu ningun hende lo meter retira mas abase di su edad di pensioen.

FCCA

Sinembargo den e caso di FCCA recientemente, huez a determina cu e ley di 1992 no ta aplicabel pa personanan cu a cuminsa un relacion laboral prome cu e ley di 1992 a drenta na vigor. “Esaki tambe pasobra e stipulacion cu a introduci e ley “e asina yama overgangsregeling” a bisa esaki explicitamente. E ley pues ta aplicabel pa relacionnan laboral nobo solamente. Pero, mes momento como cu FCCA ,-confundi pa e aplicacion di e ley-, a laga e trahado aki inicialmente sigui traha despues di su edad di pensioen, huez a haya cu no por a kita e trahado aki sin mas pasobra e la yega e edad di pensioen, te pasa esaki.

FUTURO CASO

E ta nifica si cu pa tur otro caso den futuro, si e regla ta aplica, kier men cu tur dunado di trabou y cu conoce un clausula di terminacion door di edad di pensioen, lo por termina e relaciona si esaki a cuminsa prome cu 10 di juli 1992. Un desaroyo pues cu abogado Kock ta considera uno masha importante. Lesa e sentencia aki.