Venezuela wardando confirmacion riba noticia cu Merca lo a confisca un avion di presidente di Venezuela

CARACAS – Na Venezuela, autoridad Venezolano lo ta wardando mas informacion riba e noticia cu Merca lo a confisca un avion na Republica Dominicano perteneciendo na presidente Nicolas Maduro. Dialuna CNN a raporta den un informe exclusivo di e hecho cu lo a confisca e avion   di presidente di Venezuela Nicolas Maduro despues di a determina cu su adkisicion tabata den violashon di sancionnan mericano, entre otro asuntunan criminal. Merca lo a bula e avion pa Florida dialuna, segun dos funcionario Mericano.

VENEZUELA SU REACCION

Informacion cu Noticiacla a logra obtene di su contactonan official  na Venezuela, ta bisa di ta wardando confirmacion riba un ‘version official’. Gobierno Venezolano ta bisa cu esaki ta parce otro campaña di aggression informativo contra Venezuela. “Si e noticia ta confirma, esaki lo ta trata un otro medida illegal coercitivo unilateral contra nos pais” un fuente Venezolano a laga sa dialuna riba e informacion. Tin hopi duda pasobra e avion cu ta wordo usa como ilustracion, no ta e avion actual sino uno parecido y di archivo.