Na Hulanda, telefon celular awor ta prohibi tambe na scolnan basico

AMSTERDAM - Algun scol basico a cuminsa haci esaki caba despues di zomervakantie, pero for di e siman aki a declara oficialmente cu alumnonan no mag di trece telefon celular mas den klas. Ta trata aki di un acuerdo nacional entre gabinete y e scolnan, cu ya a drenta na vigor den enseñansa secundario na cuminsamento di e aña calendario aki.

Segun algun estudio, e rendimento di mucha ta oumenta cu un prohibicion. E idea ta cu muchanan tin menos chens di wordo distrai y pues por consentra miho. Na scolnan cu tambe ta prohibi telefon celular durante pauze, e ambiente tambe lo a mehora. “E pauzenan ta mas agradabel pasobra e studiantenan ta papia cu otro mas frecuente”, asina e investigador Loes Pouwels di Universidad di Radboud a bisa e primavera aki.

Prohibicion di telefon celular, como tambe tablet y smartwatch, ta conta oficialmente pa alumnonan di scol basico desde ayera. P’esei studiantenan den e region di Nort mester atena nan mes na dje pa prome biaha e siman aki. Scolnan den e regionnan Central y Zuid ya a cuminsá mas trempan despues di e vacantie di zomer. Segun e Conseho di PO, e organisashon paraplu pa enseñansa primario, hopi scol a implementa e política nobo di telefon celular caba. E guia ta conta tambe pa enseñansa special.