KLM ta enfrenta boet pa buelonan anochi

SCHIPHOL - Aerolinea KLM lo haya boet si e compania no bolbe bula segun e ruta di salida di anochi. Inspeccion di Medio Ambiente Humano y Transporte (ILT) ta menasa cu un boet di 10.000 euro pa cada violacion cu un maximo di 100.000 euro. ILT a deskubri cu KLM a comete tres eror den e ultimo aña.

Na juni aña pasa y na januari y maart di e aña aki, KLM no a bula segun e rutanan estableci pa vuelonan anochi. E rutanan di anochi aki ta diseña di tal manera cu menos molester ta wordo causa anochi cu durante dia. Por ehempel, no ta permití pa bula riba cierto pistanan di aterisahe.

Inspeccion anteriormente a adverti KLM cu lo impone un castigo pa un di tres violacion denter di un aña. No opstante, KLM a comete un otro eror na maart.

Inspeccion a descubri e violashon door di analisa comunicacionnan di radio for di buelonan di KLM. Desvia for di e rutanan di anochi ta permiti solamente den situashonnan di emergencia of condicionnan di weer extremo. Esei no tabata e caso cu e tres buelonan.