- AWSS: Medio mei por sinti e efecto nan positivo di e cambio na Bubali su planta
- Caso di Mike de Meza contra DIMP ta fin di mei awor!
- Na Corsou, Gobernador a huramenta Parlamento nobo
- Premier Schoof impresiona cu empresario Kock na Aruba
- Eman: Autosuficiencia y resiliencia Arubano a sobresali durante bishita di premier Dick Schoof
Juan Luis Guerra y Marc Anthony a carga e diabierna di Curacao North Sea Jazz 2024
WILLEMSTAD – E dos artistanan Juan Luis Guerra & 440 y Marc Anthony diabierna anochi tabata suficiente pa yena e di 10 edicion di Curacao North Sea Jazz 2024 completo!. Mientras cu e cantante Seal tambe ta di peso halto, e realidad tabata sinembargo cu mayoria a bin pa JLG & 440 y Marc Anthony. Cu Juan Luis Guerra cuminsando e festival for di algo despues di 7’or, ya e lugar tabata yena pa mas di 60%. Y esaki a keda yena cu pa ora cu e artista final a presenta riba e scenario principal Sam Cook, e lugar no tabatin caminda pa pone mas hende. Hopi, pero hopi hende a bishita e festival aki despues di un ausencia di 5 aña, cu a mustra cu e festival a haci falta sigur. Y e hecho cu a opta pa trece dos artista cu a yega di presenta algun biaha caba na e festival, no a cambia nada. De echo, esaki tabata e atraccion perfecto pa genera un fluho grandi di hende cu a pone cu tabata como si fuera nunca e festival a para di keda presenta.
E otro artistanan un pa un, tur cu nan merito, tambe a luci na nan forma y a sa di entretene e publico durante e anochi. Artistanan grandi manera Gladys Knight, Gregory Porter, Joss Stone, Seal y Judith Hill a percura pa un anochi sublime di musica.
DIASABRA
E festival su anochi final ta premira di bira un otro anochi di exito. E biaha aki e expectativa ta cu e dos artistanan pa cual mayoria lo bin, ta Eros Ramazzotti y Maluma. Sigur cu e cierre cu Maluma, ta premira di tin un cierre cu broche di oro. Otro artistanan manera Aloe Blaco, Jennifer Hudson, Kamasi Washington, Lizz Wright y Matteo Mancuso, tambe lo duna nan toke unico na e festival, pa asina esaki bira un otro exito total.
Na Corsou, Gobernador a huramenta Parlamento nobo
WILLEMSTAD.- Na okashon di huramentashon di parlamentarionan nobo, gobernadó sra. Lucille George-Wout a hiba palabra na e 21 parlamentarionan, kaminda a pidi nan pa salbaguardiá nos estado di derecho demokrátiko. Na e elekshon dia 21 di mart, pueblo di Kòrsou a papia palabra kla. Komo miembronan di Staten, nan ta asumí nan funshon den tempu kompliká i turbulento. Nos isla ta fuertemente konektá ku e mundu rònt di nos. I susesonan internashonal ta di gran impakto riba nos seguridat, i tambe riba relashonnan sosial. Skohe pa sirbi interes i bienestar públiko, den un époka manera esaki, lokual ku kada un di bosnan ta hasi, ta demostrá kurashí i un sentido di responsabilidat enorme. E desishon aki meresé tur hende su respèt i apresio.
Pastor Curtis Meris, canciyer di Obispado: Papa Leo XIV conoce e realidad di rond mundo
WILLEMSTAD - Ayera huma blanku a sali for di e chimenea na Vatikano anunsiando ku kardinal Robert Prevost ta bira e di 267 Papa na kabes di Iglesia Katóliko. E lo funshoná bou di Papa Leo XIV (14). E di 267 pontífise di misa katóliko a nase na Chicago den 1955, pero tambe tin nashonalidat peruano, kaminda el a traha komo misionero i arsobispu emérito di Chiclayo.
Na Corsou ta sugeri pa traha camber pa Parlamentarionan por drumi!
WILLEMSTAD - Durante di su trabounan e komishon temporal edifisio di parlamento a risibí remarkenan di parlamentarionan pa pensa riba un espasio den e edifisio di parlamento pa parlamentarionan i personal di griffie por sosegá nan kurpa. Asina presidente di e komishon temporal, Juniel Carolina (MFK), ta bisa. E komishon a haña e tarea pa presentá ku alternativanan kon por pone tur operashon di parlamento bou di un solo dak. Aktualmente parlamento i griffie ta usa 4 diferente edifisio.
Segun Google Flights 2025, Corsou ta destinacion # 1 pa Mericano
MIAMI - Di acuerdo cu e portal Google Flights’ 2025 Summer Travel Trends, Corsu ta e destinacion internacional #1 di tendencia pa biaheronan mericano e zomer aki. Esei no ta djis hype segun e portal ya cu e isla aki ta kibrando recordnan, agrega buelonan nobo, revela resortnan nobo nobo,y hala atencion serio di biaheronan cu kier algo mas cu djis un otro escapada na playa. Segun e portal, Aruba ta figura te na number 10.
American Airlines ta añadi extra buelo pa Corsou na december
CHICAGO - American Airlines a anuncia cu e ta agrega mas ruta di weer cayente for di Aeropuerto Internacional di Chicago O’Hare (ORD) pa e temporada di biahe di winter benidero, te na e punto cu e ta redoblando su capacidad pa destinacionnan cayente. American ta agrega cinco destinacion nobo na e 11 cu e ta sirbi actualmente den Caribe, Mexico y Centro America for di O’Hare: Curaçao (CUR); St. Croix (STX); St. Maarten (SXM); Ciudad di Guatemala (GUA); i San José, Costa Rica (SJO).
Na Corsou, dama ta perde bida den trafico
WILLEMSTAD - Corsou ta bolbe lamentá un morto den tráfiko. Tabata den oranan di anochi lat ku un aksidente grave a tuma lugá riba kaminda di Westpunt na altura di Daniel. Sigun informashon ku a yega na redakshon di Extra, ta indiká ku un vehíkulo marka Kia Sportage koló pretu tabata direkshon pariba i pa motibunan deskonosí e shofùr a baha for di kaminda ku su vehíkulo na banda drechi di kaminda i a bai dal kontra di un palu.
Follow NoticiaCla
